Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мјанма дөвләти гејри инсани вә Исламафоб сијасәтләринин давамында өлкә Мүсәлман ҹәмијјәтинин Руһаниләрини, ағсаггалларыны вә сөзүкечән инсанларыны сәбәбсиз јерә һәбс едәрәк азадлыгдан мәһрум едиб.
Мјанма анти-Ислам дөвләтинин сон бир һәфтә әрзиндә Мүсәлман тәбәгәсини тәзјиг алтында сахламасы сәбәб олуб ки, 8 мин Мүсәлман ев-ешикләрини бурахыб ана јурдларыны тәрк етмәк мәҹбуријјәтиндә галсынлар. Бу исә, 2013-ҹи илин бүтүн көчкүнләрин үмуми сајына нисбәтдә даһа бөјүкдүр.
БМТ-нин Мјанмадакы Мүсәлманларын иши үзрә нүмајәндәси бу һагда хәбәр верәрәк билдириб: “Мүсәлманлар мәҹбури сүрәтдә ев вә шәхси мүлкләриндән әл чәкәрәк, чох аҹынаҹаглы бир вәзијјәтдә кичик гајыглара минәрәк дәниз васитәси илә, Малазија вә Тајланда муһаҹирәт едирләр. Белә бир көчкүнлүк вәзијјәтинин јаранмасына сәбәб исә, Мјанмар дөвләтинин дүшүнүлмүш тәрздә Мүсәлман Руһаниләрини, Ағсаггалларыны вә сөзү кечән инсанларыны һеч бир ҹинајәт акты төрәдилмәдән һәбс едиб, ишҝәнҹәләр вермәсидир.”
Гејд едәк ки, 2012-ҹи илин илк ајларындан бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, 1000-дән артыг Мүсәлман дөвләт органлары вә буддистләр тәрәфиндән сојгырыма мәруз галараг күтләви бастырылыб, 300,000-дән артыг инсан исә өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәалы рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Хатырладаг ки, Мјанмада тәгрибән 800 мин Мүсәлман јашајыр. Онлар әсасән өлкәнин гәрбиндә јашајырлар.
Мјанманын Милли Бирлик Тәшкилатынын мәлуматына ҝөрә, тәкҹә 2012-ҹи илин мај ајында Мјанманын гәрбиндә ҝедән тоггушмаларда вә евләрин јандырылмасы нәтиҹәсиндә тәгрибән 90 мин Мүсәлман евсиз-ешиксиз галыб.
Иран Ислам Республикасынын Хариҹи Ишләр Назирлијинин сөзчүсү Мјанма һадисәләринә реаксија олараг, Мјанма һөкумәтинин, бејнәлхалг даирәләрин вә Ислам Әмәкдашлыглары Тәшкилатынын дәрһал ҹидди тәдбирләр ҝөрмәләрини истәјиб.
Ислам Әмәкдашлығы Тәшкилатынын баш катиби Әкмәләддин Еһсаноғлу 2013-ҹү илдә дејиб: Өтән 30 илдә Руһинга мүсәлманлары Мјанмада инсан һагларынын кобуд формада позулмасы, ирги тәмизләмә, сојгырымы, тәҹавүз вә мәҹбури мүһаҹирәт кими ҹидди проблемләрлә үз-үзәдир.
Диггәт: Хәбәрдән истифадә етдикдә мәнбәјә истинад лазымдыр
