Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејн халгы һәр ил олдуғу кими бу ил дә, Мәһәррәм ајынын дахил олмасы әрәфәсиндә Мәнамәнин ҹәнуб мәнтәгәси әл-Ҹуфејр бөлҝәсиндә Сиглејн символик Ашура чадырларыны тәсис едибләр. Лакин вәһһабиәгидәли Али Хәлифә режими Сиглејн символик Ашура чадырларыны булдозер васитәси илә дағыдараг јерлә јексан едиб.
Јерли сакинләр дә өз нөвбәсиндә режимин бу вандал һәрәкәтинә етираз әламәти олараг, чадырларын дағыдылмыш јеринә топлашыб Али Хәлифә режиминә гаршы аксија кечирдибләр.
Бәһрејн әл-Вифаг Иҹмасы баш верән олајла әлагәдар бәјанат јајымлајараг, билдириб: “Али Хәлифә режиминин ҝөрдүјү бу ишләр фикир азадлығынын дүшмәни олан “тајфачылыг мәфкүрәсинин” нишанәсидир. Бу мәфкүрә 38 Мәсҹиди, онларла Һүсејнијјәни вә с. мүгәддәс оҹаглары виран едән мәнтигдән гајнагланыр.”
әл-Вифаг Иҹмасынын бәјанатында даһа сонра дејилир: “Али Хәлифә режиминин дини азадлыг зәмининдәки фәалијјәтләри, хүсуси ил дә, Шиәләрә гаршы јүрүтдүјү сијасәтләри дөзүлмәздир. Мәсҹидләрин виран едилмәси, Мәддаһларын вә Хитабәчиләрин тәгиб едилмәси, дини даирәләрә јүрүш едиб дағыдылмасы, Һүсејнијјә мәсулларынын һәбс едилмәси вәс. кими мәһдудијјәтләр бу мәнфур сијасәтләрин бариз нүмунәсидир”.
Инсан Һагглары Тәшкилатынын Бәһрејн үзрә нүмајәндәси Шејх Мејсәм Сәлман да өз нөвбәсиндә Али Хәлифә режиминин бу ҹинајәтини гынајараг билдириб: “Режим гаршыдурма јарадыб, Шиәләрә гаршы лагејд сијасәт јүрүтмәкдә исрарлыдыр”.
Диггәт: Хәбәрдән истифадә етдикдә мәнбәјә истинад лазымдыр
