Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Милли Ордусу террорчу гүввәләрә гаршы һәрби әмәлијјатларыны давам етдирир.
Алдығымыз мәлуматлара ҝөрә, Сурија Силаһлы Гүввәләри бәзи бөлҝәләрдә артыг һәрби әмәлијјатларыны ҝенишләндирәрәк јараглылары ағыр иткиләр вермәјә мәҹбур едиб.
Сурија Һәрби Гајнагларындан верилән мәлумата ҝөрә исә, Сурија Милли Ордусунун Ҹобар бөлҝәсиндә јараглылара гаршы апардығы әмәлијјатларда ағыр иткиләр верән террорчу груплашмалар, мәнтәгәнин ҹәнуб-гәрб истигамәтинә, Сабун карханасы вә Мәзбаһанә бөлҝәләринә сызмаға чалышсалар да, лакин Сурија Милли Ордусунун чевиклији сајәсиндә јараглылара гаршы апарылан әмәлијјатлар нәтиҹәсиндә террорчуларын бөјүк әксәријјәти өлдүрүлмүш вә бир чох гисми дә јаралы әлә кечмишдир.
Һәмчинин Сурија Милли Ордусунун анти-террор әмәлијјатлары нәтиҹәсиндә јараглыларын сызма һәрәкәтләриндә истифадә етдикләри бир чох тунел дә мәһв едилмишдир.
САНА аҝентлијинин јерли мүхбири, Сурија Силаһлы Гүввәләринин хејли сајда террорчуну өлдүрдүјүнү вә террорчуларын сызмаға чалышдыглары бир нечә тунелләри кәшф едәрәк дағытдыгларыны сөјләјиб.
Диггәт: Хәбәрдән истифадә етдикдә мәнбәјә истинад лазымдыр
