Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист режиминә сәфәриндә БМТ баш катиби Пан Ҝи Мун гондарма исраил режиминин ҹәнуб мәнтәгәси сакинләринин үзләшдикләри тәһдидләрә ҝөрә тәсүф етдијини билдириб.
Ганунсуз исраил режиминин ҹәнуб бөлҝәсиндә кечирилән мәтбуат конфрансында иштирак едән Пан Ҝи Мун, ишғалчы исраил режиминин нүвәреакторларынын вә нүвә арсеналларынын дүнја үчүн нә һәддә тәһлүкәли олдуғуна һеч бир ишарә етмәдән Гәззә Золағы сакинләринин өзләрини мүдафиә сәнҝәрләрини топ атәшинә тутараг билдириб: “Мән Фәләстиндә террор әмәлијјатлары һәдәфи илә дүзәлдилән јералты түнелләрә бахыш кечиртдикдә дәһшәтә ҝәлдим. Мән фәләстинлиләрин түнелләр васитәси илә һәјата кечиртдикләри һүҹумлары хүсуси илә дә ракет һүҹумларыны мәһкум едирәм. Бу һеч бир вәҹһлә гәбул едилмәздир.”
Гејд едәк ки, БМТ катибинин белә бир биабырчы мөвге сәрҝиләмәси Фәләстин халгынын етиразына сәбәб олуб. Белә ки, Һәмасын сөзчүсү Сами Әбу Зәһри билдириб: “Гәззә Золағынын виранәликләрини шәхсән зијарәт едән Пан Ҝи Мун мөвҹуд бөһранын һәлли наминә ҹидди аддымлар атмалы вә гејри-мүәјјән мөвге сәрҝиләмәкдән чәкинмәлидир.”
Һәмас рәһбәрләри Мәһмуд әл-Зиһар да өз нөвбәсиндә Пан Ҝи Мунун чыхшларыны истеһза илә гаршылајараг билдириб: “Исраил режиминин нүвәреакторлары вә нүвә арсеналларынын тәһлүкәси бизим јералты түнелләримиздән гат гат чох олдуғу һалда Пан Ҝи Мун бу һаггда һеч бир сөһбәт ачмады.”
Диггәт: Хәбәрдән истифадә етдикдә мәнбәјә истинад лазымдыр
