Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Илаһијјатчы Емил Раһилоғлу исламазери.аз сајтына вердији мүсаһибәсиндә билдириб: “Һәр бир өзәл вә дөвләт мүәссәсиндә чалышан инанҹлы инсанларын намаз гылмалары үчүн һәр бир шәраит јарадылмалыдыр”.
О, ГМИ сәдринин “Өзәл мүәссәләрдә саһибинин иҹазәси олмадан намаз гыла билмәз” фикирини шәрһ едәркән бунлары дејиб: “Бәли, ҹәнаб шејх тәмамилә дүз бујуруб. Әҝәр өзәл мүәссәләрдә чалышан инанҹлылар саһибинин иҹазәси олмаса, орада намаз гыла билмәзләр. Буна шәриәтимиз иҹазә вермир. Лакин бу о демәк дејил ки, инанҹлыларымыз өз ибадәтләриндән галмалыдылар. Онлар үчүн чалышдыгары јерләрдә һәр бир шәраит јарадылмалыдыр. Әһалисинин 96 фаизи мүсәлман олан бир өлкәдә бу ҹүр гадағаларын олмасы чох утанҹвериҹидир. Ҝәрәк һәм дөвләт, һәм дә өзәл мүәссәләр бу ҹүр негатив һаллара јол вермәсинләр”.
Мараг үчүн ГМИ сәдринин там фәтвасыны сизләрә тәгдим едирик: “Азәрбајҹан Республикасында һәр бир вәтәндашын, о ҹүмләдән дә һәр бир мүсәлманын дин вә виҹдан азадлығы вардыр. Һәр кәс өз дини ајинләрини азад формада јеринә јетирә биләр. Лакин динимизин шәриәт гајдаларына әсасән һәр һансы бир шәхсин мүлкүндә онун иҹазәси олмадан намаз гылмаг олмаз. Әҝәр сизин ишләдијиниз јер өзәл мүәссисәдирсә саһибинин иҹазәси олмадан орада намаз гыла билмәзсиниз. Дөвләт мүәссисәләринә ҝәлдикдә исә, әҝәр намаз үчүн ајрылмыш һәр һансы бир отаг јохдурса, чыхыб һәр һансы бир мәсҹиддә намаз гылмағыныз төвсијә олунур”.
Диггәт: Хәбәрдән истифадә етдикдә мәнбәјә истинад лазымдыр
