Биләсувар раjонунда баш верән дәһшәтли гәзада өләнләрин адлары мәлум олуб.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹандан Ирана зәвварлар апаран сәрнишин автобусу гәзаjа уғраjыб, 3 нәфәр өлүб, 9 нәфәр jараланыб

Гәза нәтиҹәсиндә дүнjасыны дәjишәнләр Нефтчала раjон сакинләри - 1959-ҹу ил тәвәллүдлү Елшад Гәзәнфәр оғлу Мәммәдов, 1961-ҹи ил тәвәллүдлү Афәт Һәсәнаға оғлу Мәһәррәмов вә 1952-ҹи ил тәвәллүдлү Һәбиб Мәһәммәд оғлу Мәһәррәмовдур.
Фөвгәладә Һаллар Назирлиjинин гәза илә бағлы jаjдығы ачыгламада исә билдирилир ки, “112” гаjнар телефон хәттинә дахил олмуш мәлумата әсасән, Бакы-Астара jолунун 91-ҹи километрлиjиндә  сәрнишин автобусу идарәетмәни итирәрәк jол кәнарына ашыб. Дәрһал һадисә jеринә Фөвгәладә Һаллар Назирлиjинин мүвафиг хиласетмә гүввәләри ҹәлб олунуб. Мәлум олуб ки, автомобилдә олан 33 нәфәр сәрнишиндән 3 нәфәри алдыглары ағыр бәдән хәсарәтләриндән һадисә jериндә вәфат едиб, 10  нәфәр сәрнишин исә мүхтәлиф бәдән хәсарәтләри алыблар. Меjитләр вә хәсарәт аланлар jанғынсөндүрән-хиласедиҹиләр тәрәфиндән мүхтәлиф аләт вә аваданлыглардан истифадә олунмагла  автобусдан чыхарылараг аидиjjәти үзрә тәһвил верилмишләр. Әмәлиjjат саат 07:30-да баша чатыб.
Диггәт: Хәбәрдән истифадә етдикдә мәнбәjә истинад лазымдыр