Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын гадын вә аилә мәсәләләри үзрә витсе-президенти Шәһиндохт Молаверди Азәрбајҹан Республикасына рәсми сәфәр едәҹәк.
Иран Ислам Республикасынын Азәрбајҹандакы сәфирлијиндән верилән мәлумата ҝөрә, Ш. Молавердинин сәфәри 20-21 октјабр тарихләриндә баш тутаҹаг.
Шәһиндохт Молаверди, Ислам Конфрансы Тәшкилатынын Гадынлар Шурасынын Бакыда кечириләҹәк иҹласында иштирак едәҹәк.
Сәфәр чәрчивәсиндә Ш. Молавердинин Аилә, Гадын вә Ушаг Проблемләри үзрә Дөвләт Комитәсинин рәһбәрлији, һабелә Азәрбајҹанын диҝәр рәсми шәхсләри илә ҝөрүшләри ҝөзләнилир.
Сәфирликдән билдирибләр ки, һәмчинин јахын ҝүнләрдә Иран Ислам Республикасынын Хариҹи Ишләр Назири Мәһәммәд Ҹавад Зәрифин Бакыја сәфәри планлашдырылыр.
Диггәт: Хәбәрдән истифадә етдикдә мәнбәјә истинад лазымдыр
