Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һаҹы Абҝүл Сүлеjмановун вәкили илә ҝөрүшүнә манеә jарадылды
Һаҹы Абҝүл Сүлеjмановун вәкили Заман Сәмәдов мүвәккили илә ҝөрүшә билмәjиб
Исламазери.аз-а ачыглама верән Заман Сәмәдов билдириб ки, “Биз Һаҹы Абҝүл Сүлеjмановла ҝөрүшмәк үчүн онун сахланылдығы 13 саjлы Ҹәза Чәкмә Мүәсисәсинин (ҸЧМ) гаршысына ҝетдик. Мәнә дедиләр ки, тәдбир вар, сизи Һаҹы Абҝүл Сүлеjмановла ҝөрүшдүрә билмәрик. Мән һансы тәдбирин олдуғуну сорушдум, амма нә тәдбир олдуғу геjри-мүәjjәндир.
Дахили Ишләр Назирлиjинин 102 хидмәти илә вә Әдлиjjә Назирлиjинин Пенитенсиар хидмәтинин гаjнар хәтти илә әлагә сахладым. Онлар да мәсәләни аjдынлашдыра билмәдиләр вә мәнә рәсми ачыглама вериләҹәjини дедиләр. Әслиндә рәсми һеч бир гадаға jохдур, садәҹә олараг, полисин вә Пенитенсиар хидмәтин бүрократик әнҝәлләридир. Јәни вәтәндашларла бир нечә саатлыг оjун оjнаjырлар. Чалышырлар ки, вәтәндашлары башга ҹүр истигамәтләндирәрәк бир нечә саат удсунлар.”
Мүхбиримизин "бу ҹүр гадағалары бу ҝүн кечирилмәси планлашдырылан Һаҹы Мөвсүн Сәмәдовун мәһкәмәси илә әлагәләндирирсинизми?" суалына ҹаваб олараг, Заман Сәмәдов геjд едиб ки, “Ола билсин ки, бунунла бағлыдыр. Чүнки 12 саjлы ҸЧМ 13 саjлы ҸЧМ-лә jан-jана jерләшир. Һаҹы Мөвсүм Сәмәдов да 12 саjлы ҸЧМ-дә сахланылдығы үчүн бу ҝүн орада мәһкәмәси кечирилмәли иди. Һәбсхананын гаршысында чох саjда инанҹлы вә Азәрбаjҹан Ислам Партиjасынын үзвү вар иди. Ола билсин ки, бунунла бағлы иди.”
Диггәт: Хәбәрдән истифадә етдикдә мәнбәjә истинад лазымдыр
