Һаҹы Мөвсүм Сәмәдовун сахланылдығы һәбсхана мүһасирәjә алынды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һаҹы Мөвсүм Сәмәдовун сахланылдығы һәбсхана мүһасирәjә алынды
Хәбәр вердиjимиз кими бу ҝүн, jәни октjабр аjынын 9-у АИП лидери Мөвсүм Сәмәдовун Гобустана көчүрүлмәси илә бағы мәһкәмә просеси кечириләҹәкди
сөзүҝедән мәһкәмә просеси һазырда өз ишинә башлаjыб. Бу барәдә Мөвсүм Сәмәдова дәстәк үчүн 12 саjлы Ҹәза Чәкмә Мүәссисәсинин гаршысына jолланан инанҹлылар вә руһаниләр мәлумат верибләр. Һазырда һәбсханаjа ҝедән jоллара полисләрдән ибарәт постлар гурублар. Автомобиллә 12 саjлы ҸЧМ-нә ҝетмәк истәjән автомобилләрин һамысы jохланылараг әразиjә бурахылыр. Верилән мәлумата ҝөрә, һазырда руһаниләрин вә исламчыларын автомобилләрини әразиjә бурахмырлар.  
Геjд едәк ки, АИП лидери Мөвсүм Сәмәдов һеч бир сәбәб ҝөстәрилмәдән 11 саjлы ҹәзачәкмә мүәссисәсиндәки jери дәjишдириләрәк 12 саjлы ҹәзачәкмә мүәссисәсинә көчүрүлүб. 12 саjлы ЧҸМ-дә исә дәрһал “карсер”ә салыныб. Карсерлә бағлы тәjин олунан мүддәт битмәмиш, Мөвсүм Сәмәдовун карсер мүддәти jенидән башга бир бәһанә илә 7 ҝүн дә артырылыб. Бүтүн бунлар азмыш кими, һәбсхана рәһбәрлиjи Мөвсүм Сәмәдовун ҝуjа дахили низам-интизам гаjдаларыны поздуғуну әсас ҝәтирәрәк ону Гобустан ҹидди режимли һәбсханаjа 3 ил мүддәтинә көчүрүлмәси илә бағлы мәһкәмәjә тәгдимат вериб. Өлкәнин инанҹлы кәсими АИП лидери илә бағлы баш верәнләрин һамысынын сиjаси сифариш олдуғу гәнаәтиндәдирләр.
Диггәт: Хәбәрдән истифадә етдикдә мәнбәjә истинад лазымдыр