Кобанидә “ИШИД” вә күрд гүввәләри арасында jенидән дөjүшләр башлаjыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Кобанидә “ИШИД” вә күрд гүввәләри арасында jенидән дөjүшләр башлаjыб
уриjа-Түркиjә сәрһәди jахынлығында jерләшән Кобани шәһәринин күчәләриндә “ИШИД” вә күрд гүввәләри арасында jенидән шиддәтли дөjүшләр башлаjыб.
бу барәдә “Әл Маjәдин” телеканалы мәлумат jаjыб.  
Гыса фасиләдән сонра ҝүҹлү дөjүшләр еjни вахтда шәһәрин шәрг, гәрб вә ҹәнуб истигамәтләриндә башлаjыб. Күрд дөjүшчүләри шәһәрин бир һиссәсинин террорчуларын нәзарәтинә кечмәси барәдә хәбәрләри тәкзиб едирләр. Онларын сөзләринә ҝөрә, гызғын дөjүшләр шәһәрин әтрафында ҝедир, бурада jалныз аjры-аjры тикилиләр террорчуларын нәзарәтинә кечиб. Телеканалын мәлуматына әсасән, күрд өзүнүмүдафиә гүввәләри өтән ҝеҹә 35 террорчу  мәһв едиб.     
Түркиjә һакимиjjәти, өз нөвбәсиндә, Кобанидәки вәзиjjәтлә әлагәдар Суриjа илә сәрһәддә орду бирләшмәләрини ҝүҹләндирир. Сәрһәд зонаjа чохлу саjда танк вә зиреһли техника ҹәмләшиб.  
Диггәт: Хәбәрдән истифадә етдикдә мәнбәjә истинад лазымдыр