Әһли Бејт (әлејһимус сәлам) -АБНА- Хәбәр Аҝентлији- Дүздүр, бундан габаг да университетләрдә ара-сыра белә проблемләр габардылыр, даһа сонра исә мүәјјән аддымлар атылдыгда һиҹаблы тәләбәләр тәһсил оҹагларына бурахылырдылар. Лакин Тәһсил Назирлијинин кечмиш рәһбәри Мисир Мәрдановун јекдил олараг “Һиҹаб гадағандыр” демәси Мүсәлманлар арасында бөјүк нараһатлыгла гаршыланды. Бир чох аддымлар атылды. Мүәјјән идарәләрә мүраҹиәт едилди. Лакин һеч бир фајдасы олмады. Илаһијјатчылар гадағаларын арадан ҝөтүрүлмәси үчүн сәрт чыхышлар етди вә елә бу сәбәбдән дә һәбсә мәһкум едилдиләр. 3 етираз аксијасы ҝерчәкләшди. Һәбсләр олду. Бундан сонра мүәјјән һәддә гадағанын тәсир саһәси азалдылды. Назирлик “Һиҹаб гадағасы” ләкәсини өз үзәриндән ҝөтүрмәк үчүн проблеми тәһсил мәркәзләринин рәһбәрләринин үзәринә атды. Гәрар верилди ки, тәһсил мәркәзләринин рәһбәрләри өз гәрарлары әсасында шаҝирдләри истәсәләр һиҹабла мәктәбә бураха биләрләр, истәмәсәләр дә бурахмазлар. Јәни галды директорларын өһдәсинә. Биз бир нечә мәктәб директору илә бунунла бағлы данышдыгда, онларын фикирләри исә буну тәсдиг етмәди. Директорлар билдирдиләр ки, бизә дејирләр мәбадә һиҹаба иҹазә верәсиниз, олмаз. Амма ордан да дејирләр ки, өз ишиниздир.
Бундан башга Азәрбајҹанын президенти Русијанын “Россија” телеканалынын “Вести в субботу” програмында билдирмишди ки, Азәрбајҹанда һиҹаба һәр һансы гадаға јохдур. Бундан башга ДГИДК-ин кечмиш сәдри Елшад Исҝәндәров да орта тәһсил мәктәбләриндә һиҹаба гадаға олмадығыны билдириб. Ону да гејд етмәк лазымдыр ки, Тәһсил Назирлијинин јени рәһбәри Микајыл Ҹаббаров өтән ил абитуријент имтаһанларында ән чох бал јығанлардан бири олан һиҹаблы Флора Гафарова илә ҝөрүшмүшдү. Демәли назирин дә һиҹабла һәр һансы проблеми јохдур. Һәмчинин орта тәһсил мәктәбиндә јаранмыш проблемә ҝөрә Микајыл Ҹаббаровун һиҹаблы шаҝирди гәбул етмәси дә фикримизи тәсдиг етмиш олур. Јәни белә ҝөрүнүр.
Белә баша дүшүлүр ки, Азәрбајҹанда президент, назир сәвијјәсиндә һиҹаб гадағасы јохдур. Бәс бу өзбашыналыг кимләр тәрәфиндән төрәдилир? Кимләр Азәрбајҹанда һиҹаблыларын тәһсилдән узаг сахланылмасыны истәјир? Кимләр диндарларын һиссләри илә ојнајараг араны буландырмаға чалышыр? Әҝәр гадаға јохдурса, бу өзбашыналыг директор-ректор сәвијјәсиндәми мәһдудлашыр? Јәни гадаға белә ҹылыз мәсәләдирми ки, рүшвәтлә, ҹинајәтлә, савадсызлыгла ишдән чыхарылан бәзи директор-ректорларын өһдәсинә гојулур?
Јени тәдрис или башлајыб. Биз Исламазери.аз олараг мүхтәлиф тәһсил мәктәбләриндә бахыш кечирмишик вә һәлә дә бир чох мәктәбләрдә һиҹаб гадағасы гүввәсиндә галмагдадыр. Бу азмыш кими һиҹаблы тәләбә Сумгајыт Дөвләт Университетинә бурахылмајыб вә билдирилиб ки, кимә шикајәт едирсән ет, һиҹабла университетә бурахылмајаҹагсан.
Бупланынархасындакимдурур? Ким халг вә дөвләт арасында мүнасибәтләрин корланмасында мараглыдыр? Ким мүсәлман өлкәси олан Азәрбајҹанын адынын ислами атрибутлара һөрмәтсизлик едән өлкәләрлә садаланмасына сәј едир? Бунун бир чыхыш јолу јохдурму? Бир дәфәлик “Һиҹаб азаддыр” әмри илә бу проблеми арадан галдырмаг мүмкүн дејилми? Мәҝәр Азәрбајҹанын мүәллим вә ректорлары бу гәдәрми өзбашынадырлар ки, јухарыларын ҝөстәришләринә мәһәл гојмајараг, өз истәкләрини иҹра етсинләр? Вәзифәсиндән асылы олмајараг, һеч бир мәмур өзүнә едилән “сәрт хәбәрдарлығы”ын әксинә ҝедә билмәз. Вәзифә күрсүсүнү итирмәк биздә “сонлуг” кими гәбул едилир вә һеч кәс өзүнүн “сонуну” белә ҝөрмәк истәмир. Үмидварыг ки, јахын заманда проблемин һәлли үчүн аддымлар атылаҹаг вә јени гаршыдурмаларын јаранмасына шәраит јарадылмајаҹаг.
Турал Әли
Диггәт: Хәбәрдән истифадә етдикдә мәнбәјә истинад лазымдыр
