Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәнин Енержи вә Тәбии Сәрвәтләр назири Танер Јылдыз Русиjаjа сәфәрә һазырлашыр.
Назирин Русиjаjа ҝетмәсинә сәбәб ики өлкә арасында енержи мүбадиләсиндә гиjмәт таразлығынын позулмасыдыр.
Танер Јылдызын һәмкары Александр Новак, “Газпром”ун Идарә һеjәтинин сәдри Алексеj Миллер вә “Газпромехпорт”ун президенти Телена Бурмистрова илә ҝөрүшү ҝөзләнилир. Еjни заманда, түркиjәли назирин “Росатом”ун сәдри Серҝеj Кириjенко илә ҝөрүшү дә нәзәрдә тутулур. Ҝөрүшдә Мерсиндә инша едиләҹәк нүвә стансиjасы илә бағлы мүзакирәләр апарылаҹаг.
Русиjадан ән чох тәбии газ идхал едән өлкә олан Түркиjә долларын галхмасы сәбәбиндән истеһлак гиjмәтләринә jенидән бахылмасы фикриндәдир. Експертләрин фикринҹә, октjабрдан етибарән електрик вә тәбии газын гиjмәтләриндә 9 фаиз артым олаҹағыны деjән назир Русиjадан ендирим тәләб едәҹәк.
Хатырладаг ки, аз өнҹә Русиjа илә әмәкдашлыг шәраитиндә Газахыстанда АЕС тикилмәси илә бағлы мүзакирәләр апарылдығы барәдә хәбәр jаjылыб.
Диггәт: Хәбәрдән истифадә етдикдә мәнбәjә истинад лазымдыр
