Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа Хариҹи Ишләр назиринин мүавини Михаил Богданов ИШИД терроризминин Түркиjә, Иорданиjа вә Сәудиjjә Әрәбистанына jаjылаҹағы хәбәрдарлығыны едиб.
ИШИД-ин сәрһәд танымаjан бир проблем олдуғуна тохунан Богданов тутарлы планла һәрәкәт етмәк ҝәрәкдиjини билдириб:
“ИШИД илә jалныз Ираг вә Суриjада дөjүшмәк садә бир jанашма олар. Бунун үчүн тутарлы план лазымдыр. Бөjүк еһтималла мүһарибә 3 ил вә jа даһа чох давам едә биләр. Буну тәхмин етмәк чох чәтиндир”.
Јалныз ИШИД-лә деjил, бүтүн террорчу груплашмаларла мүбаризә апармаг лазым олдуғуну деjән Богданов әкс тәгдирдә террорун дүнjаны бүрүjәҹәjини деjиб:
“Әл-Гаидә, ИШИД вә Әл-Нусра бунлара дахилдир. Бу мүбаризә нә гәдәр сүрәҹәк? Бунлар артыг беjнәлхалг тәшкилата чеврилирләр. Үзвләри бир өлкәдән диҝәринә кечә билир. Бу, Ираг, Суриjа вә jа Ливиjада һәлл едилә биләҹәк бир проблем деjил. Бу һадисә ҝөрүндүjүндән даһа тәһлүкәлидир. АБШ, Русиjа, jа да Орта Шәрг террорчуларын мәскәни ола биләр”.
Богданов Русиjанын БМТ Тәһлүкәсизлик Шурасында Суриjаjа гаршы һәрби әмәлиjjатлара вето гоjмасыны хатырладараг бунун чох әһәмиjjәтли олдуғуну вурғулаjыб:
“Бу мәним шәхси фикримдир. Әҝәр Дәмәшгдә Әсәд һөкумәти олмасаjды, инди о шәһәр ИШИД-ин паjтахты олаҹагды”.
Диггәт: Хәбәрдән истифадә етдикдә мәнбәjә истинад лазымдыр
29 sentyabr 2014 - 16:00
Xəbər kodu: 641138
ИШИД-ин сәрһәд танымаjан бир проблем олдуғуна тохунан Богданов тутарлы планла һәрәкәт етмәк ҝәрәкдиjини билдириб:
