Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Пејғәмбәри (сәлләллаһу әлејһи вә алиһ) вә Имам Әлинин (әлејһи сәлам) хүсуси сәһабәси олан Һиҹр Ибни Удејј Кәндинин (рәзијәллаһу әнһ) дәфн олундуғу Әдраул Бәләд шәһәри 18 ај әсирликдән сонра вәһһаби азғынларынын әлиндән азад едилди.
әл-Мәнар тв каналынын бирбаша ҹәбһә бөлҝәсиндән вердији хәбәрдә билдирилиб: “Дәмәшгин 35 км аралығында јерләшән Әдра тарихи шәһәрин азад едилмә әмәлијјаты Карҝәран Әдра шәһәринин азад едилмәсиндән сонра иҹра олунду. Бу шәһәри азад етмәк үчүн биз узун вә чохлу долајы јоллар кечдик. Јерли халгын, Өлүм Јолу адландырдығы бу јоллар кәнарында чохлу горхулу мәнзәрәләр мүшаһидә олунур”.
Сурија Милли Ордусунун Әдра дөјүшдә иштирак едән командирләриндән олан Полковник Јәгуб Әјјуб дејиб: “Јараглылар Әдра шәһәрини өзләринин Дума шәһәриндә јерләшән баш гәрәрҝаһларынын әсас мүдафиә хәтти һесаб едирдиләр. Дума шәһәри исә јалныз бир нечә км Әдрадан узагда јерләшир.”
Полковник Јәгуб Әјјуб даһа сонра Әдра шәһәрини тәкфирчи үнсүрләрин Әфи Иланы адландырараг билдириб: “Әдра террорчуларын Әфи Иланы иди. Бу шәһәр 18 ај тәкфирчиләрин гондарма “Ҹејшул Ислам” адлы биригадасынын әсарәтиндә иди. Лакин Ордумузун шүҹаәтли иҝидләри исә артыг Әфи Илланын башыны көкүндән гопардыблар.”
Гејд едәк ки, ашағыда мүшаһидә едәҹәјиниз фотолардакы вәһһабиләр тәрәфиндән виран едилмиш зијарәтҝаһ исә Һиҹр ибни Удәј Кәндинин мәзрыдыр.
Диггәт: Хәбәрдән истифадә етдикдә мәнбәјә истинад лазымдыр
