Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Исламчы Журналист Ниҹат Әлијев вәкили Јалчын Имановла ҝөрүшүб.
Бу барәдә Исламазери.аз-а мәлумат верән вәкил Јалчын Иманов гејд едиб ки, “Бу ҝүн 2 сајлы ҹәза чәкмә мүәсисәсиндә Ниҹат Әлијевлә ҝөрүшдүм. Бакы Истинтаг тәҹридханасында (Күрдәханы) ајағында јаранан хәстәлик мүалиҹә олунуб. Өзүнү јахшы һисс едир вә сахланма шәраитиндән наразычылығы јохдур. Ниҹат Әлијев гаршыдан ҝәлән Гурбан бајрамы мүнасибәти илә Азәрбајҹан халгыны тәбрик етди.”
Гејд едәк ки, Бакы Ағыр Ҹинајәтләр Мәһкәмәсинин ӘДАЛӘТСИЗ һөкмү илә Ниҹат Әлијев 10 ил мүддәтинә азадлыгдан мәһрум едилиб. Исламчы Журналист Ниҹат Әлијев мөвҹуд режим тәрәфиндән ганунсуз олараг наркотик васитә сахламада; габагҹадан әлбир олан бир груп шәхс вә ја мүтәшәккил дәстә тәрәфиндән мүвафиг разылыг олмадан дини тәјинатлы әдәбијјаты, әшјалары вә дини мәзмунлу башга мәлумат материалларыны истеһсал етмә, сатыш вә ја јајма мәгсәди илә идхал етмә, сатма вә ја јајмада; бир груп шәхс тәрәфиндән һакимијјәтин зорла әлә кечирилмәсинә, зорла сахланылмасына вә ја Азәрбајҹан Республикасынын конститусија гурулушунун зорла дәјишдирилмәсинә вә ја әрази бүтөвлүјүнүн парчаланмасына јөнәлән ачыг чағырышларда; мүтәшәккил дәстә тәрәфиндән милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләрдә иттиһам олунараг ШӘРЛӘНИЛИБ.
Диггәт: Хәбәрдән истифадә етдикдә мәнбәјә истинад лазымдыр
27 sentyabr 2014 - 18:49
Xəbər kodu: 640673
Вәкил Јалчын Иманов: “Бу ҝүн 2 сајлы ҹәза чәкмә мүәсисәсиндә Ниҹат Әлијевлә ҝөрүшдүм. Бакы Истинтаг тәҹридханасында (Күрдәханы) ајағында јаранан хәстәлик мүалиҹә олунуб. Өзүнү јахшы һисс едир вә сахланма шәраитиндән наразычылығы јохдур...”
