Мөвҹуд режим Исламчы Журналист Араз Гулијеви дә 3 ајлыг “карса” салыб

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, cenubnwes.com Интернет Гәзетинә ачыглама верән вәкил З. Сәмәдов билдириб ки,"бу ҝүн 14 Сајлы Ҹәзачәкмә мүәссисәсиндә ҹәза чәкән журналист Араз Гулијевлә ҝөрүшдүм. Араз Гулијев мәнә билдирди ки, сәһһәти нормалдыр, өзүнү јахшы һисс едир. Ону таныјан һәр кәсә саламы вар. Араз Гулијев 3 ајлыг "карс"а салыныб вә ҹәзасы октјабр ајынын 16 да битәҹәк. Јахын вахтларда Араз Гулијевин иши илә әлагәдар Авропа Мәһкәмәсинә мүраҹиәт едәҹәјик".

Хатырладаг ки, Араз Гулијев вә диҝәр једди нәфәр 2012-ҹи илин сентјабр ајынын 8-дә шәрләнәрәк Масаллы рајонунда бејнәлхалг фолклор фестивалы илә әлагәли тәдбирин позулмасына ҹәһд ҝөстәрмәк, динҹ сакинләрә вә полис әмәкдашына хәсарәт јетирмәк иттиһамы илә һәбс едилибләр. Сонрадан тәгсирләндириләнләрә јени иттиһамлар верилиб.

Гејд едәк ки,Гулијев Араз Фаиг оғлу Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 233 (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), 283.1 (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә), 315.2 (Һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә), 324 (Азәрбајҹан Республикасынын Дөвләт бајрағы вә ја Азәрбајҹан Республикасынын Дөвләт ҝерби барәдә тәһгиредиҹи һәрәкәтләр)” маддәләри илә иттиһам олунур.
 

Диггәт: Хәбәрдән истифадә етдикдә мәнбәјә истинад лазымдыр