АБШ-ын терроризмин көкләринин гурудулмасы илә бағлы иддиалары ҝүлүнҹ сиjаси зарафатдыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Шурасы Мәҹлисинин сәдри Әли Лариҹани бу ҝүн парламентин ачыг иҹласында деjиб: Америка вә мүттәфигләри 3 илдән чохдур ки, Суриjада террорчу ҹәрәjанлары һимаjә едирләр вә өтән һәфтә дә АБШ Конгресиндә Суриjадакы силаһлы гиjамчылары һимаjә истигамәтиндә бир даһа бу мөвге тәкрарланмыш олду.
Фарс Хәбәр Аҝентлиjинин мәлуматына ҝөрә, Әли Лариҹани даһа сонра деjиб: Анти-террор коалисиjасында jер алан бәзи өлкәләрин өзләри Суриjада террорчулара көмәк едән тәрәфләрдирләр вә террорчулар бу өлкәләрин сәрһәдләриндән истифадә едәрәк Суриjаjа дахил олурлар.
Лариҹани АБШ рәсмиләринә хитабән вурғулаjыб: Американын Јахын Шәргдә jүрүтдүjү сиjасәтләрә гаршы реҝионда формалашан нифрәт о гәдәр дәриндир ки, әҝәр доғрудан да терроризмлә мүбаризә апармаг истәjирсә, садәҹә кәнара чәкилмәси вә террорчулара вердиjи дәстәкләри даjандырмасы кифаjәт едәр. О заман реҝион халглары өзләри террорчуларла мүбаризә апарараг терроризмин көкүнү кәсәр.
Иранын ганунвериҹилик органы башчысы һәмчинин деjиб: Иран елә әввәлдән реҝионда терроризм илә мүхалиф олуб вә онунла мүбаризә апарыб. Иран даим Гәрбин, хүсусилә дә АБШ-ын реҝиондакы формал характерли аддымларыны писләjиб вә бу аддымлары реҝиону бөһрана сүрүкләjәҹәк jени шеjтанлыгдан башга бир шеj һесаб етмир.
Иран Парламентинин сәдри вурғулаjыб: Буну неҹә әсасландырмаг олар ки, АБШ БМТ-нин Тәһлүкәсизлик Шурасынын иҹазәси олмадан “Суриjанын мәркәзи дөвләти террорчуларла мүбаризәjә гадир деjил” бәһанәси илә өзбашына шәкилдә Суриjаjа һүҹум едир?
Диггәт: Хәбәрдән истифадә етдикдә мәнбәjә истинад лазымдыр