Малаjзиjанын баш назири: “Биз һәр jердә Азәрбаjҹанын мөвгеjини мүдафиә едирик, хүсусилә дә әрази бүтөвлүjү мәсәләсиндә...”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Малаjзиjанын баш назири Моһаммад Нажиб Тун Абдул Разак Бакыда Азәрбаjҹан президенти Илһам Әлиjевлә ҝөрүшдән сонра мәтбуата бәjанатында деjиб
“Мәним Азәрбаjҹана сәфәрими һәгигәтән дә тарихи сәфәр адландырмаг олар
 Чүнки бу, Малаjзиjа баш назиринин Азәрбаjҹана илк сәфәридир. Мән тәjjарәдән ендиjим илк андан чох тәсирләндим. Тәкҹә инкишафын өзү деjил, кеjфиjjәти дә мәни валеһ етди. Сизин ҝәләҹәjә олан бахышларыныз мәндә бөjүк тәәссүрат jаратды. Тәбии ки, өлкәмә гаjыдандан сонра һәмвәтәнләримә Азәрбаjҹана сәфәр етмәjи төвсиjә едәҹәjәм”.
Буну Малаjзиjанын баш назири Моһаммад Нажиб Тун Абдул Разак Бакыда Азәрбаjҹан президенти Илһам Әлиjевлә ҝөрүшдән сонра мәтбуата бәjанатында деjиб.
Баш назир әмин олдуғуну билдириб ки, бизим бирҝә ирсимиз, һәтта охшар дәjәрләримиз вар: “Биз һагг-әдаләтин тәрәфдары олан өлкәjик. Бу сәбәбдән дә биз һәр jердә Азәрбаjҹанын мөвгеjини мүдафиә едирик, хүсусилә дә әрази бүтөвлүjү мәсәләсиндә... Биз бундан сонра да гәтиjjәтли мөвге нүмаjиш етдирәҹәjик. Һагг-әдаләт Сизин тәрәфиниздәдир вә биз һәр заман Сизинлә олаҹағыг. Еjни заманда, мән Азәрбаjҹана тәшәккүр едирәм ки, БМТ Тәһлүкәсизлик Шурасынын геjри-даими үзвлүjү мәсәләсиндә бизим өлкәмизи дәстәкләjиб.
Бу ҝүн тәкбәтәк вә ҝениш тәркибдә чох ҝөзәл ҝөрүшүмүз олду вә һәр ики ҝөрүшүн нәтиҹәси чох мүсбәтдир. Геjд едә биләрәм ки, енержи, нефт вә газ саһәләри диггәт мәркәзиндә олаҹаг. Билдиjиниз кими, Малаjзиjанын, хүсусилә “Петронас” ширкәтинин бу саһәдә бөjүк тәҹрүбәси вар. Зәннимҹә, бу ширкәт Азәрбаjҹан илә нефт вә газ саһәсиндә jахындан әмәкдашлыг едә биләр. Еjни заманда, тәкҹә нефт-газ секторунда деjил, артыг истифадәдән чыхарылмыш нефт вә газ саһәләринин реабилитасиjасы мәсәләсиндә бизим бөjүк тәҹрүбәмиз вар.
Диҝәр тәрәфдән, геjд етмәк истәрдим ки, Азәрбаjҹан газынын Авропаjа нәгли хүсуси стратежи әһәмиjjәтә малик олан мәсәләдир. Бу бахымдан Азәрбаjҹан чох стратежи мөвгеjә маликдир. Сизи әмин едә биләрәм ки, Малаjзиjа Азәрбаjҹан үчүн етибарлы тәрәфдаш олаҹаг. Мән бүтүн саһәләри нәзәрдә тутурам вә әминәм, биз әлимиздән ҝәләни едәҹәjик ки, ҝәләҹәк нәсилләрә дә бир нөв чох дәjәрли бир ирс гоjа биләк”.
Гонаг геjд едиб ки, Азәрбаjҹан рәсмиләринин мүвафиг пешәкарлыг сәвиjjәсинин артырылмасы үчүн мүхтәлиф тәлимләр дә тәшкил едә биләрләр: “Әминәм ки, бу сәфәрин чох ҝөзәл нәтиҹәләри олаҹаг. Ҹәнаб президент геjд етди, бу ҝүн бизнес форум кечириләҹәк, иш адамлары вә саһибкарлар өз араларында фикир мүбадиләси апараҹаглар. Малаjзиjа ширкәтләринин хүсусилә инфраструктур лаjиһәләринин һәjата кечирилмәсиндә бөjүк тәҹрүбәси вар. Тикинти, емал сәнаjеси, електроника аваданлығы истеһсалы саһәләриндә бөjүк тәҹрүбәjә малик олан ширкәтләримиз вар
Мән гәти әминәм ки, ҝәләҹәjимиз чох уғурлу олаҹаг. Мүзакирә етдиjимиз мәсәләләр бу сәфәрдән сонра гыса мүддәтдә практики нәтиҹәләрини верәҹәк вә үмид едирәм ки, бунун чох ҝөзәл нәтиҹәләри олаҹаг. Мән зати-алиләри Илһам Әлиjеви өз өлкәмә дәвәт етдим. Биз чалышаҹағыг ки, һәмин сәфәр заманы ҹәнаб президентә өз наилиjjәтләримизи нүмаjиш етдирәк.
Мәним бу сәфәрдән бөjүк ҝөзләнтиләрим вар. Ҹәнаб президент, үмид едирәм ки, Сиз бизим өлкәjә сәфәр едәндә биз дә Сизә еjни дәрәҹәдә гонагпәрвәрлик нүмаjиш етдирәҹәjик. Бу ҝөзәл имкана ҝөрә бир даһа тәшәккүр едирәм. Ҝөзәл өлкәниздә олмагдан чох мәмнунам. Әминәм ки, ҝөрүшләримиз чох сәмәрәли олуб”.
Диггәт: Хәбәрдән истифадә етдикдә мәнбәjә истинад лазымдыр