"Иран - Газахыстан мүнасибәтләри ҝенишләндирмәкдә ҝүҹлү ирадәjә маликдирләр"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран вә Газахыстан бүтүн зәминләрдә гаршылыглы мүнасибәтләрин ҝенишләндирилмәсиндә ҝүҹлү ирадәjә маликдирләр
Һәсән Руһани бу ҝүн сәһәр чағы паjтахт Астанада , газахыстанлы һәмкары Нур Солтан Нәзәрбаjевлә кечирдиjи мәтбуат конфрансында бу фикри сәсләндириб.
Дахил олан мәлумата әсасән, Руһани хатырладыб : Ики өлкәнин рәсми нүмаjәндә һеjәтләринин арасында баш тутан ҝөрүш вә мүзакирәләрин нәтиҹәләри ҝөстәрир ки, Астана – Теһран гаршылыглы мүнасибәтләринин ҝенишләндирилмәсиндә ҝүҹлү вә лазымы ирадәjә маликдир.
Газахыстан президенти Нур Солтан Нәзәрбаjев дә бу мәтбуат конфрансында етдиjи чыхышында ИИР-ны реҝионда вә Хәзәрдә архаjын бир мүттәфиг һесаб едиб вә хатырладыб : Иран вә Газахыстанын тиҹарәт дөвриjjәсинин һәҹми артмалыдыр.
 Газахыстан президенти мәтбуат конфрансынын диҝәр бир һиссәсиндә ики өлкә арасында мүхтәлиф зәминләрдә о ҹүмләдән, сәнаjе , мәдән вә аграр мүстәвисиндә әмәкдашлыгларын ҝенишләндирилмәсинин үзәриндә тәкид едиб вә деjиб : Белә бир әмәкдашлыгларын ҝүҹләндирилмәси ики өлкәнин инкишаф хәтиндә олан мәгсәдләринин иҹрасына көмәк едә биләр , һеч шүбһәсиз ки, Газахыстан бу мәсәләни ҹидди шәкилдә диггәт мәркәзиндә гәрар верәҹәк.
Нәзәрбаjев ҹәнаб Руһани вә нүмаjәндә һеjәтинин Газахыстана сәфәрини өнәмли дәjәрләндириб вә хатырладыб : Бизҹә бу сәфәр , гаршылыглы мүнасибәтләрин ҝенишләндирилмәсиндә бөjүк тәсирә маликдир.
Диггәт: Хәбәрдән истифадә етдикдә мәнбәjә истинад лазымдыр