Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран Ислам Республикасынын сәфирлиjи ДАК әлеjһинә бәjанат jаjды
Азәрбаjҹан Республикасынын дөвләт рәсмиләриндән дә Иранын әрази бүтөвлүjүнү суал алтына алан бу кичик сепаратчы дәстә..."
Иран Ислам Республикасынын Азәрбаjҹан Республикасындакы сәфирлиjи бәjанат jаjараг Бакы шәһәриндә ДАК тәрәфиндән тәшкил олунмуш топлантыjа етиразыны билдириб.
Иран Ислам Республикасынын Азәрбаjҹан Республикасындакы сәфирлиjинин мәтбуат хидмәтиндән Исламазери.аз-а дахил олан бәjанатда геjд олунур ки, халг күтләсинә сөjкәнмәjән, сиjаси jери олмаjан вә дөвләт һимаjәсиндән мәһрум бу кичик дәстә тәҹриддән гуртулмаг үчүн белә топлантылар тәшкил едир".
Бәjанатда даһа сонра деjилир: "Бу топлантыда узун илләр боjу Иран вә Азәрбаjҹан халгларынын дүшмәнләринә хидмәт ҝөстәрмәклә танынан шәхсләр инди дә ики дост вә гардаш өлкә арасында мүнасибәтләрин ҝенишләнмәсини һәдәф алараг сионизм медиасы илә бирликдә ики милләтин достлуг әлагәләрини зәифләтмәк вә сепаратчы дүшүнҹәләрин jаjылмасы илә мәшғул олублар.
Хошбәхтликдән ики өлкәнин халгы вә рәһбәрләринин аҝаһлығы, диггәти саjәсиндә дүшмәнләрин провакасиjалары нетраллашыб, ики өлкә арасында мүнасибәтләр ҝенишләнмәкдәдир.
Иран сәфирлиjи бу бәjанатда сепаратчы дәстәнин Иран Ислам Республикасына гаршы һөрмәтсизлиjинә дөзмәдиjи, һәмчинин дипломатик вә гануни jолларла бөjүк Иран халгы вә хүсусилә дә бу өлкәнин геjрәтли азәрбаjҹанлыларына гаршы едилән тәһгирә һүгуги гиjмәт верилмәси мәсәләсини ҝүндәмдә сахлаjаҹағыны билдирир.
Иран Ислам Республикасы өз өлкәсиндә Азәрбаjҹан әлеjһинә бу кими топлантыларын тәшкил едилмәсинә иҹазә вермир вә Азәрбаjҹан Республикасынын дөвләт рәсмиләриндән дә Иранын әрази бүтөвлүjүнү суал алтына алан бу кичик сепаратчы дәстә илә ганун чәрчивәсиндә давранаҹағыны ҝөзләjир.”
Диггәт: Хәбәрдән истифадә етдикдә мәнбәjә истинад лазымдыр
