Иран Ислам Республикасынын Дөвләт Катиби: Гондарма “ИШИД” үнсүрләри ИИР-а һүҹум етмәк нијјәтиндәдир

Әһли Бејт (әлејһим сәлам) АБНА – Хәбәр Аҝентлијинин вердији хәбәрә әсасән, Иран Ислам Республикасынын Дөвләт Катиби, бу ҝүн сәһәр радәләриндә Теһранда кечирилән “Әјаләтләрин Сијаси, Иҹтимаи вә Тәһлүкәсизлик Ишләи Үзрә Мүавинләрин Иҹласы”-ндан сонра журналистләрлә ҝөрүш кечирдиб.

Әбдул Рза Рәһмани Фәзли журналистләрә билдириб: “Өлкәнин сәрһәд мәнтәгәләриндә јашајан вәтәндашларымыз азғын “ИШИД” үнсүрләринин хәтәрләри һаггда там мәлуматлыдырлар. Бу ҝүнә кими, гондарма “ИШИД” үнсүрләринин Иран Ислам Республикасынын сәрһәдләринә һәр һансы бир ҝириши гејдә алынмајыб”.

О, даһа сонра Ирагда баш верән сон һадисәләр һаггда данышараг гондарма “ИШИД” үнсүрләринин  сон аҹынаҹаглы дурумуна ишарә едәрәк билдириб: “Гондарма “ИШИД” үнсүрләри һәр ҝүн кечдикдә Ираг Республикасында әлә кечиртдикләри мәнтәгәләрдән ҝери чәкилмәк зорундадырлар”.

Журналистләрин “Аја ИШИД тәкфирчиләри ИИР-а һүҹум едәҹәкми?” суалына ҹаваб верән Иран Ислам Республикасынын Дөвләт Катиби, Әбдул Рза Рәһмани Фәзли билдириб: “Гејд олунан террор тәшкилатынын мәнтәгә әтрафы өыкәләрдә ҝениш мигјаслы һәрби әмәлијјатлар кечиртмәк планлары вардыр. Бизим әлдә етдијимиз сәнәдләрә әсасән, гондарма “ИШИД” террор тәшкилаты һәм Иран Ислам Респубнликасына һәм дә гоншу өлкәләрә һүҹум етмәк нијјәтиндәдир. Лакин гејд етмәлијик ки, Иран Ислам Республикасы хырда террор тәшкилатыны јериндәҹә лајигли ҹаваб вермәк үчүн кифајәт гәдәр ҝүҹлүдүр”.


Диггәт: Хәбәрдән истифадә етдикдә мәнбәјә истинад лазымдыр