Исмаjыллыда мешә jанғыны үчүн бир тәjjарә, ики һеликоптер ҹәлб олунуб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исмаjыллы раjонунда мешә jанғыны башлаjыб. Өтән ҝеҹә саатларындан jүксәк дағлыг әразидә башлаjан jанғын һәлә дә давам едир
Фөвгәладә Һаллар Назирлиjинин (ФҺН) Исмаjыллы раjон Дөвләт Јанғындан Мүһафизә Һиссәсиндән АПА-нын jерли бүросуна верилән мәлумата ҝөрә, әразиjә назирлиjин ики jанғынсөндүрән һеликоптери вә бир тәjjарәси ҹәлб олунуб.
Һава исти вә күләкли олдуғу үчүн jанғын бөjүк әразини әһатә едир.
Еколоҝиjа вә Тәбии Сәрвәтләр Назирлиjинин мәтбуат хидмәтиндән АПА-jа верилән мәлумата ҝөрә, августун 26-да Исмаjыллы Мешә Мүһафизәси вә Бәрпасы Мүәссисәсинин Талыстан мешәбәjилиjинин 2 саjлы долаjынын jүксәк дағлыг саһәсиндә jанғын һадисәси баш вериб.
Ылкин еһтимала ҝөрә мешәдә бөjүрткән jыған кәнд сакинләринин одла еһтиjатсызлығы сәбәбиндән баш верән jанғынын сөндүрүлмәсинә Назирлиjинин мүвафиг jерли гурумларынын вә Фөвгәладә Һаллар Назирлиjинин Јанғындан Мүһафизә Идарәсинин әмәкдашлары ҹәлб едилиб.
Геjд олунуб ки, jаjылма ареалы ҝениш олса да, jанғын бир-бириндән аралы мәсафәләрдә jерләшән кичик саһәләрдә үмумиликдә 1 һектар гуру от вә кол өртүjүнү әһатә едир. Јанғынын гаршысыны алмаг үчүн Еколоҝиjа вә Тәбии Сәрвәтләр Назирлиjинин вә Фөвгәладә Һаллар Назирлиjинин jерли гурумларынын әмәкдашлары тәрәфиндән оператив тәдбирләр давам етдирилир.
Һаваларын исти вә гураг кечмәси илә әлагәдар ЕТСН бир даһа әһалини тәбиәтдә оларкән одла еһтиjатлы олмаға, jанғын тәһлүкәсизлиjи гаjдаларына риаjәт етмәjә чағырыр.                                             
Фөвгәладә Һаллар Назирлиjинин (ФҺН)  саjтында верилән мәлумата ҝөрә, Исмаjыллы раjону, Гарагаjа кәндиндә (раjон мәркәзиндән 25 км аралы) дағлыг әразидә гуру от, кол-кос вә гурумуш ағаҹ көтүкләри jаныр. Јанғынын сөндүрүлмәсинә ФҺН-ин Авиасиjа Дәстәсиндән 1 әдәд тәjjарә, 2 әдәд һеликоптер, Дөвләт Јанғындан Мүһафизә Хидмәтинин jанғынсөндүрмә техникасы вә шәхси һеjәти ҹәлб едилиб. Һазырда jанғынын сөндүрүлмәси үзрә ишләр давам етдирилир.
Диггәт: Хәбәрдән истифадә етдикдә мәнбәjә истинад лазымдыр