Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Хариҹи Ишләр Назири Доктор Муһәммәд Зәриф ҹәнаблары Ираг Республикасына етдији рәсми сәфәриндә бу өлкәнин рәсми шәхсләри илә јанашы Нәҹәфи Әшрәф шәһәриндә јерләшән Али Тәглид Мәрҹәләри илә дә ҝөрүш кечирдиб.
Мәлумата әсасән, илк өнҹә Али Тәглид Мәрҹәси Ајәтуллаһ Бәшир Нәҹәфи, Сејјид Муһәммәд Һәким вә Ајәтуллаһ Сејјид Әли Систани ҹәнаблары илә ҝөрүшән Доктор Зәриф даһа сонра Али Тәглид Мәрҹәси олан Муһәммәд Исһаг Фәјјаз илә ҝөрүш кечирдиб.
Ҝөрүш заманы Ираг Республикасында баш верән сон олајлар, ев-ешикләриндән дидәрҝин дүшмүш күтләнин дуруму вә һабелә халгын ичәрисиндән јарадылан Көнүллү Дәстәләрин неҹә террорчу үнсүрләр илә мүбаризә апармаглары, һабелә милли бирликин әлдә олунмасы вә с. мөвзулар һаггда ҝениш мүзакирәләр апарылыб.
Ирагын Теһрандакы рәсми сәфири Муһәммәд Мәҹид әл-Шејхин билдирдијинә ҝөрә, Доктор Зәриф ил кечирилән ҝөрүшдә диҝәр Али Тәглид Мәрҹәләри кими Ајәтуллаһ Систани ҹәнаблары да өз нөвбәсиндә Иран Ислам Республикасна азғын “сәләфи” үнсүрләри гаршысында мөһкәм дајанараг Ираг халгына ҝөстәрдикләри әбәссиз јардымлара ҝөрә өз дәрин тәшәккүрүнү билдириб.
Ираглы дипломатын билдирдијинә ҝөрә, Иран Ислам Республикасынын Хариҹи Ишләр Назири Доктор Зәриф ҹәнаблары да өз нөвбәсиндә бир даһа Иран Ислам Республикасынын террорла мүбаризәдә Ирага тәмәннасыз көмәкликләр ҝөстәрәҹәјини вурғулајараг, Ајәтуллаһ Систани ҹәнабларынын сәмимилијинә ҝөрә өз миннәтдарлығыны билдириб.
Диггәт: Хәбәрдән истифадә етдикдә мәнбәјә истинад лазымдыр
