Језиди күрддән ираглы журналистә шок ачыглама

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Ирагын “БасҺабер” гәзетинин репортjору ИШИД-ин зүлмүндән баш ҝөтүрүб гачан jезиди күрд аиләләриндән бириндә олуб
Језиди күрдләрин сых jерләшдиjи бөлҝә әсасән Түркиjәнин Диjарбәкиыр шәһәридир.
Журналист jазыр ки, Диjарбәкирин Сур маһалына аид Һүсеjник кәндинә үз тутуб. Кәнд сакини Мухтар Ағыллы вә онун көмәjи илә сығынаҹаг тапан jезиди күрд аиләси илә ҝөрүшүб.
“Кәндә бир километр гәдәр галмыш Мухтарын “Гесра Баве ЕВДО” адлы сараjына ҝәлирик. Бир нечә Һүсеjник сакини бизи гаршылаjыр. Мухтар Ағыллы вә оғлу Фәрди бизи jезиди гонаглары - Һәсән Ноjабр Әли илә оғлу Салеһин отуруб чаj ичдиjи гаршыдакы евин көлҝәлиjинә ҝәтирир. Һәсән Ноjабр Әли вә аиләси нәләр jашамыш нәләр?”
Мүхбир геjд едир ки, jезиди аиләсинин башчысы Һәсән Ноjабр “Биз өлүjүк билирсәнми?” - деjә, данышмаға башлаjыр:
“Мән Шенҝалынын Рамбоси кәндиндәнәм. ИШИД бизә һүҹум едәндә 4-5 саата jахын дөjүшдүк вә патронларымыз түкәнди. Ондан сонра гачдыг. Евләримиздәки пулларымыз, гызыл вә гиjмәтли әшjаларымыз, һеjванларымыз, һәр шеjимиз ҝетди. Амма бунлар әһәмиjjәтли деjил. Гызларымыз, гадынларымыз тәҹавүзә уғрады, инди базарларда сатылыр”.
Ноjабр Әли әлавә едир: “Мухтар Ағыллы илә ҝөрүшдүм. Дәрһал бизә автомобил тутду вә Диjарбәкирә доғру jола чыхдыг. Бүтүн хәрҹимизи чәкди. Һәтта һаванын исти олмасына ҝөрә кондисионер алды. Мән өләнә гәдәр бизә зүлм едән ИШИД-и вә jахшылыг едән гардашым Зәкини унутмаjаҹағам”.
Мухтар Ағыллы исә деjиб ки, Сур маһалынын 248 кәнди вар: “Һәр кәнд бир jезиди аиләсини jанына алса, 2500 jезиди күрд аиләсинин сығынаҹаг проблеми һәллини тапар. Бу кампаниjаны бәләдиjjә башганларымызла мүзакирә едәҹәjәм”.
Ноjабр Әли әлавә едиб ки, оғлу Һолландиjада, гызы исә Америкада jашаjыр вә jахын заман бу ики өлкәдән биринә ҝетмәк истәjирләр.
Диггәт: Хәбәрдән истифадә етдикдә мәнбәjә истинад лазымдыр