Гәззаjа һүҹумуна сусмасыны гынаjыб вә тәнгид едиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливанын өндәр сүнни алимләриндән олан Шеjх Маһир Һәммуд Ҹүмә хүтбәси заманы Әрәб өлкәләрини Исраил режиминин Гәззаjа һүҹумуна сусмасыны гынаjыб вә тәнгид едиб.  
Шеjх Маһир Һәммуд хүтбәси заманы чох мараглы фикир сәсләндириб. "Әрәбләрин Исраил илә дөjүшмәсини истәjирсинизсә, онлара Исраилин шиә олдуғуну сөjләjин!" - деjән шеjх, анҹаг бу үсулла әрәб дүнjасынын динләрини вә әгидәләрини мүдафиә едәҹәкләрини вурғулаjыб. "Әкс тәгдирдә ағалары АБШ истәмәдиjи тәгдирдә Исраилин варлығы онлары нараһат етмәjәҹәк" - деjә шеjх әлавә едиб.  
Шеjх Маһир Һаммудун 11 иjул хүтбәсинин бир һиссәсини тәгдим едирик:  
"Гәзза jанмаға давам едир. Гәзза халгы мүгавимәтин силаһындан башга бир ҝүҹә малик деjил. Үстәлик һәм дүшмәнләри, һәм дә достлары тәрәфиндән блокада вәзиjjәтиндәдир.  
Гәзза бу ҝүн мүгавимәтчи халгыны "гүдрәтисиз" олараг ҝөстәрәнләри бир-бир тәәҹҹүбләндирир вә дүшмәнлә һәр нә баһасына олурса олсун, разылыға ҝәлинмәjәҹәjини ҝөзләр өнүнә сәрир.  
Мүгавимәтчиләрин һәм Ливанда, һәм дә Фәләстиндә зәфәрләринә шаһид олуруг. Онларын газандыглары зәфәрләр һиjләҝәрләрин вә онларын куклаларынын иддиаларыны пуча чыхартмаға бәс едир.  
Гәзза ганы илә, ҹаны илә һаjгырыр: "Биз ҝүҹсүз деjилик. Мүгавимәтчиләрә лазым олан дәстәк верилдиjи мүддәтҹә дә әсла ҝүҹсүз олмаjаҹағыг. Биз әлимиздәки бүтүн имканлары истифадә едәрәк, силаһ сатын алыб онлары Гәззаjа кечирмәjи баҹара билдиjимиз үчүн әсла ҝүҹсүз олдуғумузу гәбул етмирик. Бизим саһиб олдуғумуз мәһдуд мадди имканларымыз, бәзиләринин "супер ҝүҹләр"ә вә фәсад уғруна хәрҹләнән зәнҝинликләриндән шүбһәсиз даһа хеjирлидир."  
Сәһнә дәjишмиш ола биләр, амма ҝөрүнән еjнидир. Мүгавимәт хәтти мөвҹудлуғуну горумаға давам едир. Теһрандан ҹүрбәҹүр силаһ вә мәрми ҝөндәрилир. Бу силаһлар Ливанын нәзарәтиндә Суриjа үзәриндән Гәззаjа чатдырылыр. Даһа сонра исә сионист ишғалчылары пәришан етмәләри вә бүтүн дүнjаjа сәбрин, иманын, әзмин, ирадәнин, мадди мәһдудиjjәтләрә бахмаjараг әфсанә jазмаг үчүн кифаjәт етдиjини ҝөстәрмәк үчүн Гәззанын ҹәсур мүгавимәтчиләринә тәслим едилир.  
Фәләстиндәки мүгавимәтчиләрин Гәрбин вә фитнәкарларын мүхалиф рәфтарларына вердикләри ҹаваблары бизә Али Имран сурәсинин 172-ҹи аjәсини хатырладыр: "Өзләри дөjүшдә jараландыгдан сонра, jенә Аллаһ вә Рәсулунун чағырышына ҹаваб верәнләрдән jахшы ишләр ҝөрүб пис ишләрдән чәкинәнләри бөjүк бир мүкафат ҝөзләjир!"  
Бу мәгамда әрәбләрин Суриjада фитнә атәшини аловландырмаг вә мүгавимәт хәттини мәһв етмәк үчүн күлли мигдарда малиjjә хәрҹләмәләринә вә сәjләринә диггәт етмәлиjик. Даһа сонра исә һәмин әрәбләрин Фәләстин мәсәләсиндәки мөвгеләринә бахмаг лазымдыр. Һарада галды онларын ҹомәрдлиjи?
Һәр кәс jахшы билсин ки, сионистләрә гаршы апарылан мүбаризәнин нәтиҹәси jалныз вә jалныз Исраилин jох олмасыдыр. Елә бир вахт ҝәләҹәк ки, мүгавимәтчи мүҹаһидләр һеч бир зәрәр алмадан бүтүн план гуранларын вә онларын куклаларынын оjунларыны башларына ашырдаҹаглар. Аллаһ Рәсулунун (с) бир һәдисини хатырлатмагда фаjда ҝөрүрәм: "Ҹиһад нә бир әдаләтлинин әдаләтиндән, нә дә бир залымын зүлмүндән зәрәр ҝөрмәдән Гиjамәт ҝүнүнә гәдәр тәсирли олаҹаг." Елә исә jол ачыгдыр. Беләҹә үммәт оjанаҹаг вә үммәти мүһасирәjә алан мәзһәбчилик фитнәсини jох едәҹәк."      
Islamazei.az
Диггәт: Хәбәрдән истифадә етдикдә мәнбәjә истинад лазымдыр