Әһли Бейт (әлейһимус сәлам) -АБНА- Хәбәр Аҝентлийинин вердийи хәбәрә әсасән, Иран Ислам Республикасы дәниз гүввәләринин команданы бәйан едиб : Дүнйанын азад суларында Иран дәниз гүввәләринин иштиракы Иран халгы игтидарынын символудур.
Ҝенерал Адмирал Һәбибуллаһ Сәййари чәршәнбә ҝүнү Иранын шималында Рәшт шәһәриндә дәниз ихтисаслары тәлим мәркәзинин мәзун олмуш курсантларына һәср олунмуш мәрасимин чәрчивәсиндә журналистләрә вердийи ачыгламасында хатырладыб : Иранын дәниз гүввәләри һеч бир тәһдиддән горхмур вә өлкәнин су һүдудларыны там игтидарларла мүдафиә едир.
Адмирал әлавә олараг дейиб : ИИР-нын дәниз гүввәләри йүксәк бир әһвал-руһиййә илә өлкәнин бүтүн су һүдудларыны , онун тәбии сәрвәтләрини еләҹәдә ҝениш марагларыны там игтидарла мүдафиә едир вә һәр һансыса бир тәһдид вариантынын гаршысында мөһкәм дайаныб вә дайанаҹаг да.
ИИР дәниз гүввәләри команданы һабелә ҝәлән айларда , Һинд Океанынын азад сулары вә Иранын су саһәләриндә Вилайәт маневринин кечириләҹәйини билдириб вә дейиб : Дәниз гүввәләринин һәрби тәлимләри бу гүввәләрин ИИР-ны мүдафиә етмәкдә стратежи габилиййәтләрини нүмайиш етдирәҹәк.
Сон илләр ИИР дәниз гүввәләринин мүхтәлиф саһәләрдә ирәлиләйиши дүнйанын мүасир дәниз технолоҝийаларына малик өлкәләри һейрәтләндириб.
Tehran Radiosu
Диггәт: Хәбәрдән истифадә етдикдә мәнбәйә истинад лазымдыр
