Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Азәрбаjҹанда сәләфи лидерләриндән олан Әлихан Мусаjев Ирагда ИШИД (Ираг Шам Ислам Дөвләти) груплашмасынын тәркибиндә дөjүшмәjә ҝедиб.
Публика.аз-ын өзәл мәнбәдән әлдә етдиjи мәлумата ҝөрә, ӘМусаjев ики һәфтә өнҹә Түркиjә васитәсилә Суриjаjа ҝедәрәк ИШИД груплашмасынын тәркибинә гошулуб: “Груплашманын тәркибиндә вурушан азәрбаjҹанлыларын әмири вәзифәсини дашыjыр. Һазырда Ирага һүҹума кечән ИШИД-ин тәркибиндә азәрбаjҹанлы дөjүшчүләрә рәһбәрлик едир”.
Әлихан Мусаjевин телефонуна зәнҝ чатмамасы исә шүбһәләри бир гәдәр артырыб.
Сәләфиләрин дахилиндән верилән мәлуматда геjд олунур ки, Ә.Мусаjев бир аj өнҹәjә гәдәр Азәрбаjҹанда дәрс деjирмиш. Амма сон вахтлар сәләфиләрдән һеч ким онун һарда олдуғуну дәгиг билмир. Амма онлар ӘМусаjевин ИШИД-ә гошулдуғуна инанмырлар.
Геjд едәк ки, бир мүддәт өнҹә Ә. Мусаjевлә “Әбу-Бәкр” мәсҹидинин имамы Гамәт Сүлеjманов арасында наразылыг jаранмышды. Буна сәбәбсә Ә.Мусаjевин Суриjаjа ҝедән азәрбаjҹанлылары дәстәкләмәси иди. Сәләфи лидерләри онун тәкфирчи бәjанатларыны ҝери ҝөтүрмәjә чағырса да, о, бу аддымы атмады вә аjрылды. Сон мәлуматлара ҝөрә, о, Меһдиабад мәсҹидиндә фәалиjjәт ҝөстәрирмиш.
Tehran Radiosu
Диггәт: Хәбәрдән истифадә етдикдә мәнбәjә истинад лазымдыр
