Бакы меринин оғлу ИШИД-ин 2 нөмрәли адамыдыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакы меринин оғлу ИШИД-ин 2 нөмрәли адамыдыр Бу иддиа илә чыхыш едән мөтәбәр гаjнағын вердиjи хәбәрә ҝөрә, мерин оғлу Исрафил Абуталыбов вәһабиләрин хәвариҹ (радикал) голуна бағлы тәригәтчидир
Мәнбә иддиа едир ки, И.Абуталыбов “Ираг Шам Ислам Дөвләти” силаһлы груплашмасынын хилафәт дөвләти jаратмаг планыны тәгдир едир. ИШИД-ин Ирагда шәһәрләри әлә кечирмәсини гәләбә саjыр.
“Исрафил Азәрбаjҹандакы сәләфи вә хәвариҹләрин тиҹарәтдә инкишаф етмәсинә дә дәстәк олур. О ҹүмләдән, Суриjаjа дөjүшмәjә ҝедәнләрә көмәк едир. Ону даһа чох Гарачухур гәсәбәсиндә jерләшән вә сәләфиләрин jығышдығы мәсҹиддә ҝөрүрләр. Исрафил оғлуна Әбубәкр адыны вериб”.
Мәнбә билдирир ки, Һаҹыбала Абуталыбовла оғлу арасында әлагәләр кәсилиб, һәтта ону евинә белә бурахмадығы барәдә бир мүддәт әввәл медиада мәлумат jаjылыб. Мер исә аз әввәл оғлунун Суриjаjа ҝетмәси барәдә хәбәрләри тәкзиб етсә дә, Исрафилин сәләфи олдуғуну нә тәсдиг, нә дә инкар етмишди.
Геjд едәк ки, даһа бир jүксәк рүтбәли мәмур оғлунун вәһабиләрә гошулдуғу барәдә мәлумат алмышыг. Мәлуматда геjд олунур ки, өлкәнин чох өнәмли вәзифәләриндән бирини дашыjан мәмурун өз оғлунун сечдиjи тәригәтдән вә әмәлләриндән хәбәри jохдур. Һәмин ҝәнҹин исә Бакыдакы вәһабиләрә вә Суриjаjа ҝедәнләрә мадди дәстәк ҝөстәрдиjи иддиа олунур.
хеber.nur-az.com
Диггәт: Хәбәрдән истифадә етдикдә мәнбәjә истинад лазымдыр