Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 21 –ҹи әсрин хәрчәнк вирусу кими танынан “вәһһаби- сәләфи- әһли сүннә вәл ҹәмаә- тәкфирчи” үнсүрләринин ҹинајәтләри давам едир.
Мәлумата ҝөрә, гондарма “Ираг вә Шам Ислам Дөвләти” адлы азғын “сәләфи” груплашмасынын јараглылары өтән ҝүн Суријанын Һәсәкә әјаләтинин Тәлилијә гәсәбәсиндә нөвбәти инсанлыгдан узаг ҹинајәт һадисәсини, Ислам Пејғәмбәри (сәлләллаһу әлејһи вә алиһ) вә онун Пак Аиләсинә (әлејһимус сәлам) гаршы мәһәббәт бәсләјән мәзлум Шиәләрә гаршы сојгырымыны һәјата кечирдибләр.
Бу һаггда Ливанын әл-Һәдс Нјуз хәбәр аҝентликинин јајымладығы мәлуматда билдирилир ки, азғын “ИШИД” террорчулары Сурија Көнүллү груплашмаларынын формаларыны ҝејинәрәк Рәсул Ејн шәһәринин 40 км јахынлығындакы Тәлилијә гәсәбәсинә дахил олараг, әксәријјәтини гадын вә азјашлы ушаглар тәшкил едән 15 нәфәрә одлу силаһлардан атәш ачараг Шәһид етмишләр.
Сурија Инсан Һагглары тәшкилатынын нүмајәндәси бу һаггда данышараг билдириб: “Амансызҹасына гәтлә јетириләнләрин 7-си азјашлы ушаг, 1 нәфәри јенијетмә ҹаван, 3 нәфәри гадын хәјлагы вә 4 нәфәри исә орта јашлы киши хәјлагыдыр.”
Гејд едәк ки, азғын “ИШИД” вәһшиләри өтән ҝүн һәмчинин Дәјрә Зор әјаләтиндә бир јенијетмә ҹаваны оғурлуг иттиһамы илә тутараг вәһшиҹәсинә гәтлә јетирмишләр.
Хатырладаг ки, артыг үч илдән артыгдыр ки, дүнјанын мүхтәлиф өлкәләрдән Суријаја ҝәтиздирилмиш вәһһаби- сәләфи- тәкфирчи үнсүрләр јерли халга гаршы амансыз ҹинајәтләр төрәдир. Хариҹи дөвләтләрдән ҝәтиздирилмиш азғын террорчулар, Мүгәддәс Ислам Дининин адындан суистифадә едәрәк бәшәријјәтин ҝөрмәдији вәһшиликләри Сурија халгына гаршы һәјата кечирдир...
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
