Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Иран Ислам Республикасынын Бакыдакы сәфири Иранын шимал гәрбиндә jерләшән Макы Азад Игтисади Мәнтәгәсинә бахыш кечирдикдән сонра, Азәрбаjҹан Р-ы игтисади фәалларыны бу мәнтәгәдә инвестисиjа jатырмаға чағырыб.
ИРНА-нын вердиjи мәлумата әсасән, Мөһсен Пакаjин өтән ҝүн (чәршәнбә 28 маj) Макы Азад Тиҹарәт Мәнтәгәсинин ректору Һүсеjн Фурузан илә ҝөрүшдә, уjғун ҹоғрафи мөвгеjи, зәнҝин мәдәнләр, мүнбит әкин саһәләри, вә Иран-Авропа маршрутунда jерләшәмәсини Макы Азад Тиҹарәт Зонасынын өзәл хүсусиjjәтләриндән саjыб.
Пакаjин деjиб: Макы Азад Тиҹарәт Зонасы инвестисиjа jатырмаг үчүн өнәмли потеснсиала маликдир вә бу мәгсәдә наил олмаг үчүн инвесторлар илә мәнтәгә мәсуллары арасында гаршылыглы әлагәләрин jарадылмасы, реҝионун игтисади инкишафына ҝәтириб чыхара биләр.
Макы Азад Тиҹарәт Зонасы Тәшкилатынын сәдри һәмчинин бу ҝөрүшдә реҝионун игтисади потенсиалларына тохунараг деjиб: Макы Азад Тиҹарәт Зонасы Иранын ән ири азад тиҹарәт мәнтәгәси кими, һазырда мүхтәлиф саһәләрдә, о ҹүмләдән сәнаjе саһәсиндә дахили вә хариҹи инвесторлары гәбул етмәjә һазырдыр.
Фурузан Макы Азад Тиҹарәт Зонасынын Азәрбаjҹан Р-нын гоншулуғунда олдуғуну деjәрәк әлавә едиб ки, Макы Азад Тиҹарәт Зонасы, Азәрбаjҹан Р-ы вә Түркиjә башда олмагла гоншу өлкәләрлә бүтүн мүнасибәтләрин ҝенишләндиримәсини мүсбәт гаршылаjыр.
Макы Азад Тиҹарәт Зонасынын сәдри, Иран Ислам Республикасы вә Азәрбаjҹан Р-ы арасындакы әлагәләрин, реҝион өлкәләри үчүн нүмунә олаҹағыны арзулаjыб.
Теһран Радиосу
Диггәт: Хәбәрдән истифадә етдикдә мәнбәjә истинад лазымдыр
29 may 2014 - 12:19
Xəbər kodu: 612096
Иран Ислам Республикасынын Бакыдакы сәфири Иранын шимал гәрбиндә jерләшән Макы Азад Игтисади Мәнтәгәсинә бахыш кечирдикдән сонра, Азәрбаjҹан Р-ы игтисади фәалларыны бу мәнтәгәдә инвестисиjа jатырмаға чағырыб.
