Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн 26 мај 2014-ҹү илдә Индонезија дөвләтнин Һәҹ мәрасиминә даир ајырдығы бүдҹәни мәнимсәмәкдә иттиһам олунан Дини Назирликин сәдри тутдуғу вәзифәсиндән истефа верәрәк кәнарлашыб.
Индонезијанын Коррупсијаја гаршы дөвләт комитәси өтән һәфтә апардығы арашдырмалар нәтиҹәсиндә Сурја Дарма Әлини Дөвләт Һәҹҹ Идарәсинин бүдҹәсини гејригануни јолларла мәнимсәмәкдә шүбһәли биләрәк барәсиндә истинтаг ишинин апарылмасыны тәләб едиб.
Индонезијанын Коррупсијаја гаршы дөвләт комитәси арашдырманын нәтиҹәсини елан едәрәк билдириб: “Дөвләт Һәҹҹ Идарәсиндә арашдырмалар апрдығымыз заман 20 милјон долларын шүбһәли формада бир һесабдан диҝәр һесаба көчүрүлмәсинин шаһиди олмушуг.”
Мәлумата ҝөрә, бу хәбәрин халг арасында јајылмасы бөјүк әкс сәда доғуруб вә Ислам өлкәләри арасында ән сых ҹәмијјәтә малик олан өлкә әһалисинин гәзәбинә сәбәб олуб.
Индонезија Дини Назирликин сәдри, өлкә президентинә ән јахын олан шәхсләрәдн илк нәфәридир ки, онун барәсиндә гејригануни јејинти иддиасы илә иш ачылыб.
Сурја Дарма Әли өтән һәфтәнин шәнбә ҝүнү вердији мүсаһибәсиндә билдирмишдир ки, она гаршы галдырылмыш иддиалар онун тутдуғу вәзифәсиндән узаглашдырылмасына сәбәб ола билмәјәҹәк. Амма өлкә президенти илә ҝөрүшүндән сонра о, тутдуғу вәзифәсиндән истефа верәрәк ишдән азад олунуб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
