Азәрбаjҹанын бүтүн пулу АБШ-да сахланылыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Гарабағ мәсәләси һәлл олан кими Русиjа бизим үчүн һеч бир мараг кәсб етмәjәҹәк”.Бу сөзләри Ахар.аз-а ачыгламасында политолог Вәфа Гулузадә деjиб. О, Азәрбаjҹанын Ҝөмрүк Иттифагына дахил олаҹағына инанмадығыны билдириб:Азәрбаjҹанын Гәрблә чох инкишаф етмиш әлагәләри вар. Ориjентасиjа дәjишмәк асан мәсәлә деjил. Русиjаjа тәрәф кечмәк она ҝөрә мүмкүн деjил ки, 20% торпағымызы ишғал едиб, Гарабағ мәсәләсинин һәллинә манечилик төрәдир, атәшкәс хәттини даим од ичиндә сахлаjыр. Инди биз нә ҹүр Ҝөмрүк Иттифагына ҝедә биләрик? Мән бунларын һеч биринә инанмырам”.
АБШ-Русиjа савашы иjулда битәҹәк
Политолог Гәрблә Русиjа арасында гаршыдурманын олмаjаҹағыны деjиб:
“Инди вәзиjjәт дәjишиб. Һазырда бәлкә дә АБШ һәрби базаларынын Азәрбаjҹан әразисиндә jерләшдирилмәси фикринә еһтиjаҹ да jохдур. Мән һесаб едирәм ки, инди Русиjа илә Гәрб арасында олан гаршыдурма тәхминән иjула гәдәр сүлһлә һәлл олунаҹаг, әлагәләр гаjдасына дүшәҹәк. Чүнки Русиjа да Гәрбдән аjры долана билмәз. Русиjа дүнjа игтисадиjjатынын бир һиссәси олуб вә орадан чыхыб һеч вахт ССРИ ола билмәз. Бәзи мүтәхәссисләр деjирләр ки, Русиjа әввәлләр Гәрб үчүн хаммал мәнбәjи идисә, инди бу функсиjаны Чин үчүн jеринә jетирир. Онун үчүн Авропа илә әмәкдашлыг даһа фаjдалыдыр. Чин илә әмәкдашлығы исә һеч кимә манечилик төрәтмир. Амма jенидән гаршыдурма вә мүһарибәнин олмасы мүмкүнсүздүр. Билирсиниз, Русиjа чох зәифдир”.
Русиjа олсаjды, мән севинәрдим...
Вәфа Гулузадә Гарабағын һәлл олунмасыjла Азәрбаjҹанын да Русиjаjа марағынын итәҹәjини геjд едиб:
“Билирсиниз, сабаһ Украjнада президент сечкисидир. Путинин өзү деjиб ки, Украjна кими сечсә, мән онунла һесаблашаҹағам. Јәни Путинин бәjанатлары артыг реаллыгла һесаблашмаг демәкдир. Путинин марағы Крымда иди. Гәрб Крыма ҝөз jума биләр. Әвәзиндә исә Путин бүтүн Украjнанын Гәрбә интеграсиjасына ҝөз jумаҹаг. Она ҝөрә дә бурада Азәрбаjҹанын Русиjаjа ҝедәси jолу jохдур. Әҝәр белә jол олсаjды, мән чох шад олардым. Мәсәлән, Русиjа ҝәлиб Дағлыг Гарабағ мәсәләсини һәлл етсин, бизим 20% торпагларымызы ишғалдан азад етсин. Ахы Русиjа буну едән деjил. Чүнки билирсиниз ки, Гарабағ мәсәләси һәлл олан кими Русиjа бизим үчүн һеч бир мараг кәсб етмәjәҹәк. Русиjа чөкмүш бир өлкәдир”.
Гәрблә мүнасибәтләримиз дүзәләҹәк
О, Гәрблә соjуглашан мүнасибәтләрин дүзәләҹәjини сөjләjиб:
“Биз технолоҝиjаны да, инновасиjаны да Гәрбдән ҝөтүрүрүк. Гәрблә Азәрбаjҹанын һәр ҹүр әлагәләри инкишаф едир. Түркиjәнин өзүнүн Гәрблә әлагәләри jүксәкдир вә НАТО-нун мүттәфигдир. Биз өзүмүз исә Түркиjәни мүттәфиг елан едирик. Инди нә едәк? Ҝәрәк Гәрбдән дә, Түркиjәдән дә имтина едиб Ермәнистанын ҝүнүнә дүшәк? Она ҝөрә дә бәзи политологлар бу мәсәләнин дәринликләринә ҝетмирләр. Азәрбаjҹанла Гәрб арасында әлагәләр дәфәләрлә кәскинләшиб вә сонунда мүлаjимләшиб. Инди jенә дә һәминки вәзиjjәтдир, амма дүзәләҹәк”.
Азәрбаjҹан ориjентасиjасыны дәjишмәjәҹәк
Политолог Азәрбаjҹанын jөнүнү дәjишдирмәjәҹәjини вурғулаjыб:
“Морнингстарын бәjанаты олуб, она да Меһдиjев ҹаваб вериб. Ортада ики бәjанат вар. Бунунла өлкәнин сиjаси истигамәти дәjишмир. Азәрбаjҹанын милли мараглары вар вә о обjектив әсаслар үзәриндә инкишаф едир. Русиjанын бүтүн валjута еһтиjатлары АБШ-дадыр. Азәрбаjҹанын да бүтүн пулу АБШ-дадыр. Бурада нә ориjентасиjа дәjишәҹәк, нә дә биз дәjишәҹәjик. Дүнjаны идарә едән Обама деjил, доллардыр. Дүнjанын әсас валjутасы одур вә һамы доллара ориjентасиjа едир. Она ҝөрә дә кәскин дәjишикликләр мәсәләси ҝүндәмдә jохдур”.
Axar.az

Диггәт: Хәбәрдән истифадә етдикдә мәнбәjә истинад лазымдыр