Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Инсан Һаггларынын Нәҹәф Әшрәфдәки офисинин мүдири билдириб ки, сабиг диктатор Сәддамын 1991-ҹи ил Шәбан ајында режим мүхалифләри олан Шиәләрә гаршы төрәтдији амансыз гырғынлара аид нөвбәти күтләви мәзарлығы кәшф олунуб.
Инсан Һаггларынын Нәҹәфи Әшрәф нүмајәндәлијинин мүдири Кәрим Билал мәтбуат конфрансында билдириб: “Нәҹәфи Әшрәф шәһәринин 15 км аралығында јерләшән күтләви мәзарлыгда сабиг диктатор Сәддам режиминин мүхалифләриндән 27 нәфәринин ҹәсәди ашкарланыб.”
Кәрим Билал даһа сонра тәсүфлә дејиб: “Ҹәсәдләр үзәриндә арашдырма апарыларкән онлардан бәзиләринин јашлы инсанлар, гадын вә аз јашлы ушаглар һәтта сүдәмәр көрпәнин олдуғу мәлум олуб. Белә ки, онларын едам заманы ҝөзләри вә әлләри бағлы олдуғу да ашкарланыб.”
Инсан Һаггларынын Нәҹәфи Әшрәф нүмајәндәлијинин мүдири даһа сонра дејиб: “Сабиг диктатор Сәддам режиминдә тәкҹә Нәҹәфи Әшрәф Шиәләриндән 12 мин нәфәри иткин дүшүб ки, бу ҝүнә кими онларын талеи һаггда әлдә һеч бир мәлумат јохдур.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
