Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Пајтахт Мәнамәнин ҹәнуб бөлҝәсиндәки әл-Маликијјә мәнтәгәсинин минләрлә сакини өлкәдә азад сечкиләрин бәрпасы вә Хәлифә сүлаләсинин һакимијјәт даирәсиндән узаглашмалары мәгсәди илә нөвбәти сүлһамиз етираз аксијасы кечирдибләр.
Мөһтәшәм етираз митингинин шүары “Халг Јорулмајаҹаг” олуб. Етриаз аксијасында башда әл-Вифаг Милли Ислами Ҹәмијјәти олмагла бир чох сијаси вә Ислами ҹәмијјәтләр иштирак едиб.
Мәлумата ҝөрә, етиразчылар әлләриндә Бәһрејн бајрагы вә Али Хәлифә режиминин ҹинајәтләрини мәһкум едән плакартлар тутмушлар. Сүлһамиз етираз аксијасыны тәшкил едәнләр һәмчинин Хәлифә сүлаләсинин ҝүҹ структурлары тәрәфиндән иҹазәсиз олараг вәтәндашларын евләринә сохулмаларыны, сүбутсуз олараг вәтәндашларын һәбс едилмәсини һабелә режимин ҝүҹ стуктурлары тәрәфиндән динҹ халга гаршы ҝүндәлик баш верән силаһлы һүҹумларын арашдырмасы мәгсәди илә Тәрәфсиз Ахтарыш Комитәсинин јарадылмасына тәкид едибләр.
Сонда мүхалифәтчиләр бәјанат верәрәк билдирибләр: “Мәнамә сәнәди өлкәдә бөһранын әдаләтлә һәлл едилмәси үчүн ҝөзәл бир әсас вә һәмчинин Бәһрејндә Әдаләтин неҹә бәргәрар олмасы үчүн әлверишли гәрардыр.”
Бәјанатда һәмчинин гејд олунуб: “Иҹтимаи тәбәгәләр арасындакы ајры сечкиликә сон гојулмасына вә әдаләтсизлкин арадан галдрылмасына ҝәтириб чыхартмајан һәр һансы бир сијаси лајиһә гәти сүрәтдә гәбуледилмәздир.”
Бәһрејнин сијаси партијалары билдирибләр: “Халга гаршы амансыз рәфтарларын давам етдирилмәси, шәхси мүлкләрә силаһлы басгынларын олунмасы, ганунсуз һәбсләрин давамы, бөлҝәләрин мүһасирәјә алынмасы, сијасәтчиләрә вә һүгугшүнаслара гаршы әдаләтсиз һөкмләрин чыхарылмасы Бәһрејндә вәзијјәтин даһа да писләшмәсинә ҝәтириб чыхараҹаг мәсәләләрдир.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
