Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 13 мај ајына тәсадүф едән һиҹри гәмәри тарихи илә Рәҹәб ајынын 13-дә Иран Ислам Республикасынын Гум шәһәриндә Али Дини тәһсил алан Бејнәлхалг әл-Мүстәфа (сәлләллаһу әлејһи вә алиһ) академијасынын азәрбајҹанлы тәләбәләри Муһәммәдин (сәлләллаһу әлејһи вә алиһ) Маарифи Ишығында Иҹмасынын (ММИ) тәшкилатчылығы илә Әмирәл Мөминин Әли Ибни Әбу Талибин (әлејһимә сәлам) мөвлуд бајрамынын илдөнүмү илә бағлы бајрам тәдбир кечирдибләр.
Ханым Мәсумәнин (сәламуллаһи әлејһа) пак һәрәминдә гејд олунан мәрасимдә азәрбајҹанлы тәләбәләр аиләликҹә јахындан иштирак едибләр.
Шам вә Хофтән намазларындан сонра башланан мәрасимдә апарыҹы Һөҹҹәтүл Ислам Ширван Әлијев мәҹлис иштиракчыларына хошҝәлдим дедикдән сонра Кәрбәлаји Елвини Гуран Кәримин нурани ајәләрини тилавәт етмәк үчүн сәһнәјә дәвәт едиб.
Даһа сонра чыхыш үчүн сөз Һөҹҹәтүл Ислам вәл Мүслимин Јусифи ҹәнабларына верилиб.
Хәтиб мөвизәсиндә Имам Әлинин (әлејһи сәлам) һәгигәтләриндән вә Ислам дүшмәнләринин даим бу һәгигәтин үзәринә көлҝә салмаға чалышмаларындан данышараг билдириб ки, һәзрәти Әли (әлејһи сәлам) бујуруб: “Мәндән сонра сизи мәҹбур едәҹәкләр ки, мәндән тәбәрри едәрәк мәнә гаршы нифрәт едәсиниз. Бу иши ҝөрмәјин. Әҝәр сизә мәни сөјмәји мәҹбур етсәләр ејби јохдур сөјүн анҹаг чалышын мәнә гаршы нифрәт бәсләмәјин!”
Һөҹҹәтүл Ислам вәл Мүслимин Јусифи ҹәнаблары һәмчинин Шиә маарифинин һансы чәтинликләр илә бизим әлимизә ҝәлиб чатмасына ишарә едәрәк һәзрәти Имам Әлидән (әлејһи сәлам) сонра, тарих боју дүшмән гүввәләринин Әли (әлејҝһи сәлам) Шиәләринә гаршы төрәтдикләри ҹинајәтләрә тохунмуш вә бу нурани маарифин гәдринин билинмәсинин лүзумлуғуну вурғулајыб.
Хәтибин чыхышындан сонра Кәрбәлаји Сејјид Әлијар һәзрәти Әлинин вәсфинә јазылмыш шери охујуб. Сонра, Азәрбајҹан Республикасындан Гум шәһәринә гонаг ҝәлмиш Әһли Бејт (әлејһим сәлам) Мәддаһы Кәрбәлаи Васифин ифасында һәзрәти Әли (әлејһи сәлам) һаггда Илаһи нәғмә охунуб.
Даһа сонра мәрасимдә иштирак едәнләрдән ады “Әли” оланлара һәдијјәләр тәгдим олунуб. Сонда Имам еһсаны пајланараг дүнја Мүсәлманларына хүсуси илә дә Азәрбајҹан халгына, зинданларда ҝүнаһсыз јерә јатанлар һаггда хош дуалар олунуб вә онларын тезликлә азадлыға чыхмалары арзу едибләр.
Бајрам мәрасими Имам Заманын (Аллаһ ҹәллә ҹәлалуһ онун шәрафәтли зүһуруну тезләшдирсин) фәрәҹ дуасы илә сона јетиб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
