Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын әл-Әнбар әјаләтинин Әһли Сүннәт Фәтва Шурасынын үзвү Шејх Муһәммәд әл-Һејәти билдириб: “Бу шура бүтүн јараглылары Ираг торпагларындан говуб ешијә атмаг мәгсәди илә рәсмән гондарма “ИШИД” террорчуларына гаршы ҹиһад елан едиб.”
Бу аддымын ардынҹа Фәллуҹә шәһәринин Әһли Сүннәт алим вә Мәсҹид Имамларындан 36 нәфәри дә азғын әл-Гаидә, гондарма “ИШИД” тәкфирчиләринә гаршы ҹиһад елан едибләр. Билдирәк ки, бу сон ајлар әрзиндә Әһли Сүннәт ҹаматынын “ИШИД” вә әл-Гаидә тәкфирчи үнсүрләринә гаршы илк әмәли аддымларыдыр.
Һәмчинин әл-Әнбар әјаләтинин Командирлији дә азғын “ИШИД” тәкфирчиләринин өлкәдән говулараг ешијә тулламаглары үчүн дини алимләрдән, сырави вәтәндашлардан вә мүхтәлиф гәбиләләрдән ибарәт 7 группанын јарадылдығыны билдириб.
Бәзи аналтикләрин билдирдијинә ҝөрә, Әһли Сүннәт алимләрининин, гәбилә вә јерли сакинләрин Ираг Ордусу илә һәмкарлыг етмәкләри, Милли Ордунун гондарма “ИШИД” тәкфирчи үнсүрләринә гаршы апарылан әмәлијјатларда даһа да мүвәффәгијјәт газанаҹағына сәбәб олаҹаг.
Гејд едәк ки, Ираг Милли Ордусу һал һазырда Фәллуҹә шәһәрини үч әсас ҹәһәтдә там мүһасирәјә алыб. Ираг Тәһлүәсизлик Гүввәләриндәки ресурсларын билдирдијинә ҝөрә, ҝәлән һәфтә әрзиндә Ираг Милли Ордусу Фәллуҹә шәһәринин бүтүн ҝириш вә чыхышларына ағыр һүҹума кечәрәк нөвбәти анти-террор әмәлијјатлары һәјата кечирдәҹәкләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
