Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Ингилабынын Бөjүк Рәһбәри Һәзрәт Аjәтуллаһүлүзма Хаменеи чәршәнбә ахшамы ҝүнү Илам останынын мүхтәлиф халг күтләләриндән минләрлә инсанла ҝөрүшүбләр. Һәзрәт Әлинин (ә) сәадәтли виладәти мүнасибәти илә халгы тәбрик едән Ингилаб Рәһбәри деjибләр: Потенсиалларын активләшдирилмәси вә дахили потенсиала тәмәркүзләшмәклә АБШ вә диҝәр беjнәлхалг гүдрәтләр истәр һәрби, истәрсә дә геjри-һәрби васитә илә һеч вахт Иран халгына тәзjиг ҝөстәрә билмәjәҹәкләр.
"Гүдрәтләр билмәлидирләр ки, Иран халгы диз чөкмәjәҹәкдир. Чүнки Иран халгы вар олан халгдыр вә бу өлкә ҝәнҹләри доғру jолда һәрәкәт етмәкдәдир" –деjә Ингилаб Рәһбәри билдирибләр.
Мүгавимәт Игтисадиjjатынын бүтүн сиjасәтләринин иҹра олунмасы, дахили истедад вә потенсиала архаланмағы игтисади проблемләрин һәлли үзрә доғру jол адландыран Ислам Ингилабынын Бөjүк Рәһбәри буjурублар: Ҝәнҹләрин истедады вә jарадыҹылығына архаланан һәр бир jердә инкишаф jолу jаранмышдыр. Белә ки, нүвә, дәрман, ана һүҹеjрәләр, нано-технолоҝиjа, мүдафиә сәнаjеси үзрә инкишафлар бу реаллығын бариз нүмунәләридир.
Иран ҝәнҹләринә бәзи мәһдуд вә геjри-реал бахышлара вә мөвҹуд бәзи геjри-дүзҝүн нормалара тәмәркүз етмәjә тохунан Ингилаб Рәһбәри хатырладыблар: Иран халгы вә ҝәнҹләринин нормасы дини норма вә ислам, Гуран, мәнәвиjjат, вәтән вә миллиjjәтдир вә бу мәсәләни һеч вахт ҝөрмәмәзлиjә вурмаг олмаз.
Һәзрәт Аjәтуллаһүлүзма Хаменеи һәмчинин иҹтимаиjjәтин һәгиги сәадәтинин тәмин олунмасы үчүн Һәзрәт Әлинин (ә) дәрсләриндән бирини мәишәтин jахшылашмасы вә халгын игтисади проблеминин һәлли чәрчивәсиндә сәjин ҝөстәрилмәси адландырыб вә билдирибләр: Бу мәгсәд һазыркы шәраитдә чохлу дахили потенсиаллары активләшдирмәк вә өлкәнин ҝәнҹ истедадларына архаланмаг үчүн дүзҝүн програмлашдырма jолу илә мүмкүндүр.
"Белә бир шәраитдә өлкә маддиjjат, руһи вә әхлаги, беjнәлхалг имиҹ, иззәт вә милли етимад бахымындан инкишаф едәҹәк вә хариҹи дүшмәнләрин миннәтиндән хилас олаҹагдыр" –деjә Ингилаб Рәһбәри әлавә едибләр.
Бәjанатынын давамында Һәзрәт Әлинин (ә) шәхсиjjәтинин мисилсиз ҹәһәтләриндән бирини о һәзрәтин фәрди, иҹтимаи вә һөкумәт методу адландыран Ислам Ингилабынын Бөjүк Рәһбәри деjибләр: Әмирәл-мөминин Әли (ә) чох ҝениш вә сәрвәтли өлкәjә малик вә бөjүк вә игтидарлы һаким олдуғу заман еһтиjаҹлы бир инсан кими, чох садә бир евдә jашаjыр вә һагг, әдаләт вә илаһи һөкмләрин иҹрасыны jеринә jетирир вә бөjүк ишләр һәjата кечирирди.
Диггәт: Хәбәрдән истифадә етдикдә мәнбәjә истинад лазымдыр
Tehran Radiosu
