“Дүнjа Иран халгынын әзәмәтинә һөрмәтлә jанашмалыдыр”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран Ислам Республикасынын президенти билдириб: Дүнjа әҝәр Иран халгы илә мүсбәт мүнасибәтләр вә мүштәрәк мәнафеjә малик олмаг истәjирсә, Иран халгынын һүгугу гаршысында тәслим олмалы вә Иран халгынын әзәмәти гаршысында һөрмәт jолуну сечмәлидир.
Иран Ислам Республикасы президенти Һәсән Руһани бу ҝүн Теһранда сәһиjjә саһәсиндә үч нүвә наилиjjәтинин тәгдимат мәрасиминдә Ислам Ингилабынын Бөjүк Рәһбәринин атом силаһындан истифадәнин һарам олмасына даир фитвасына тохунараг әлавә едиб: Иран дүнjаjа сүбут етди ки, Иран Ислам Республикасынын нүвә фәалиjjәтләри тамамилә ганунидир вә һеч бир jаjынмаjа малик деjил.
“Иран сүлһмәрамлы нүвә енержиси ардынҹадыр” деjән Руһани билдириб: Бүтүн халглар беjнәлхалг ганунлар гаршысында бирдирләр вә Иран халгы зәифлик jүкүнүн алтына ҝирмәjиб вә ҝирмәjәҹәк.
Иран халгынын нүвә технолоҝиjасы саһәсиндә бир аддым белә ҝери чәкилмәjәҹәjини геjд едән Иран Ислам Республикасынын президенти хатырладыб: Иранын нүвә елмини әлдә етмәк үчүн ҝизли фәалиjjәт ҝөстәрмәси ачыг-ашкар jаландыр. Чүнки әҝәр ҝизли фәалиjjәт ҝөстәрмәк истәсәjди, сентрифугаларын сатын алынмасы үчүн рәсми гәрб вә шәрг базарларына мүраҹиәт етмәзди.
Иран Ислам Республикасы президенти деjиб: Тәәссүфләр олсун ки, гәрб дүнjасы етик вә һүгуг нормаларына зидд ачыглама верир вә тәблиғ едир. Бу тәблиғләр диҝәрләрини гәрблә еjни истигамәтә jөнәлдә билди вә Иран халгы вә дөвләти үчүн бүтүн беjнәлхалг ганунлара зидд олараг башағрысы jаратды.
Диггәт: Хәбәрдән истифадә етдикдә мәнбәjә истинад лазымдыр