"Иранын мүзакирәчи нүвә һеjәти аjыг-саjыг олмалыдыр"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Теһранын бу һәфтәки ҹүмә намазынын хитабәтчиси Иранын нүвә мүзакирәчи һеjәтинин нүвә данышыгларында аjыг-саjыг олуб, өлкә халгынын там милли марагларына хидмәт истигамәтиндә аддым атмасыны истәjиб.
Аjәтуллаһ Мәһәммәдәли Мүвәһһиди Кирмани Теһранын бу һәфтәки ибады-сиjаси ҹүмә намазынын хүтбәләриндә  Иранла апарылан нүвә данышыгларына АБШ-ын хәләл ҝәтирмәсинә ишарә едәрәк деjиб : Өлкә халгынын һамысы Иранын мүзакирәчи һеjәтини гаршыдан ҝәлән чәтин мүзакирәләр просесиндә һимаjә етмәлидир.
Чыхышынын диҝәр бир һиссәсиндә АБШ-ын дөвләт катиби Ҹон Керринин " мүзакирәләрдә Иран ҹидди гәрар чыхарылмалыдыр " барәдә ирәли сүрдүjү фикирләринә ишарә едән Аjәтуллаһ Мүвәһһиди Кирмани хатырладыб : Диалогларын нәтиҹәли олмасы үчүн Америка ҹидди гәрарлар чыхармалы вә Иран халгы вә диҝәр өлкәләрлә бағлы зоракы вә залымҹасына олан рәфтарларына сон гоjмалыдыр.
" Америкалылар , нүвә данышыгларында тәкҹә өзләринин експансионист марагларынын тәмин едилмәси барәдә дүшүнүрләр " –деjә Аjәтуллаһ Мүвәһһиди Кирмани сөзләринә әлавә едиб.
Онун сөзләринә ҝөрә, Иран даһа ҹидди шәкилдә өзүнүн милли марагларыны изләjир вә һеч бир вәҹһлә нүвә һүгугуну ҝүзәштә ҝетмәjәҹәк.
Теһранын бу һәфтәки ҹүмә намазынын хитабәтчиси әлавә олараг деjиб : Иранлылар , диалог , мәнтиг вә ганун тәрәфдарыдырлар. Лакин Америка һеч заман Иран халгы илә дүшмәнчиликләрини даjандырмаjаҹаг вә бу просесә сон гоjмаjаҹаг.
Аjәтуллаһ Кирмани сонра деjиб : Американын Иранла бағлы кечмишини нәзәрә алараг демәк олар ки, Иран халгы бу өлкәjә һеч заман етимад етмәjиб . Чүнки Америка Ирана дәфәләрлә хәjанәт етдиjини сүбута jетириб.
Теһранын ҹүмә намазынын хитабәтчиси Бөjүк Ингилаб Рәһбәринин нүвә силаһыны һарам адландырмасы илә бағлы фикирләринә истинад едәрәк вурғулаjыб : Иран атом бомбасы вә нүвә силаһынын истеһсалыны гаршыjа мәгсәд гоjмаjыбдыр. Һәтта силаһы олса белә дүшмәнләринин әлеjһинә бу нөв силаһдан истифадә етмәз.
Аjәтуллаһ Мүвәһһиди һабелә Сионист режим вә Американын Иранын дүнjанын диҝәр өлкәләри илә мүнасибәтләринин ҝенишләндирилмәсиндән ниҝаранлыг кечирмәсинә тохунараг деjиб : АБШ нә Иранын башга өлкәләрлә мүнасибәтләринин сыхлашдырылмасыны нәдәки диҝәр өлкәләрин Ираны рәсмән танымаларыны истәмир.
Теһранын бу һәфтәки ҹүмә намазынын хитабәтчиси сөзләринин диҝәр бир һиссәсиндә АБШ вә Иранын глобал мәсәләләрлә бағлы мөвгеләринин там фәргли олмасына ишарә едәрәк хатырладыб :
Иран дүнjадакы мәзлум инсанларын һүгугуну мүдафиә вә һимаjә едир. Лакин Американын мөвгеjи гәтлиам , гырғын төрәтмәк вә мүһарибәдән ибарәтдир . Суриjа дедикләримизә аjдын бир сүбутдур.
Аjәтуллаһ Мүвәһһиди Кирмани Суриjадакы мөвҹуд вәзиjjәти үмидвериҹи дәjәрләндириб вә деjиб : Сон ҝүнләр Суриjа һакимиjjәти террорчулара гаршы мүбаризәдә уғурлу аддым атыб вә бу өлкәдәки террорчулар завала уғрамагдадырлар.
Теһранын ҹүмә намазы хитабәтчиси һабелә АБШ-ын һәмишә Исраил режиминин фәләстинлиләрә гаршы төрәтдиjи ҹинаjәтләрини һимаjә етмәсинә ишарә едәрәк хатырладыб : АБШ индиjәдәк сионистләрин фәләстинлиләри гырғын етмәсинә реаксиjа вермәjибдир. Чүнки ҝүнаһсыз инсанларын һәjаты америкалылар үчүн һеч бир өнәм кәсб етмир.
Аjәтуллаһ Мүвәһһиди Кирмани ҹүмә намазы хүтбәләринин сонунда , беjнәлхалг тәшкилатларын Мjанма вә Мәркәзи Африкада мүсәлманларын гырғыны едилмәсини jолверилмәз саjыб вә
Әфганыстанын Бәдәхшан вилаjәтиндә террорчуларын һүҹумунда бир груп инсанын һәлак олмасындан тәәссүфләндиjини вә Иран халгы вә һакимиjjәтинин бу  дәрдә шәрик чыхдығыны билдириб.
Диггәт: Хәбәрдән истифадә етдикдә мәнбәjә истинад лазымдыр