Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дини Гурумларла Иш үзрә Дөвләт Комитәсинин дәстәjи илә нәшр олунан “Азәрбаjҹан вә Әһли-беjт ирси” адлы китаб ишыг үзү ҝөрүб
ДГИДК-нин Мәтбуат хидмәтиндән Исламазери.аз-а верилән мәлумата ҝөрә, “Елм вә тәһсил” нәшриjjатында ишыг үзү ҝөрән вә өн сөзү Дөвләт Комитәсинин сәдри Елшад Искәндәров тәрәфиндән jазылан әсәр академик Васим Мәммәдәлиjевин үмуми редактәси илә чап олунмушдур. Китабын елми рәjчиси АМЕА-нын М.Физули адына Әлjазмалар Институтунун директору, профессор Теjмур Кәримлидир.
Әсәрдә Азәрбаjҹанын сосиал вә мәдәни һәjатынын Әһли-беjт ирси илә бағлы jөнләрини тәдгиг едән мәгаләләр өз әксини тапмышдыр. Азәрбаjҹанда Әһли-беjт мәнсубларынын адлары илә бағлы зиjарәтҝаһлар, әдәбиjjатымызда Әһли-беjт ирсинин ролу, өлкәмиздәки бирҝәjашаjыш әнәнәсинин вә динләрарасы толерантлыг мүһитинин формалашмасында Әһли-беjтә олан севҝинин ролу, Әһли-беjт ирсинин горунмасында Азәрбаjҹан халгынын ролу вә диҝәр мөвзуларда өлкәмиздәки илаһиjjат саһәсиндәки апарыҹы мүтәхәсисләр тәрәфиндән гәләмә алынмыш санбаллы мәгаләләрә jер верилмишдир.
Азәрбаjҹанын милли-мәнәви дәjәрләринин тәдгиги саһәсиндә jазылмыш надир әсәрләрдән олан “Азәрбаjҹан вә Әһли-беjт ирси” китабынын әсас мәгсәди азәрбаjҹанлыларын милли кимлиjнин формалашмасында, өлкәмизин дини, әдәби вә сосиал һәjатында тарихән бу ирсин оjнадығы ролу үзә чыхармагдыр.
Әсәр милли-мәнәви дәjәрләримизин тәдгиги, әнәнәви дини дәjәрләримиз барәсиндә ҹәмиjjәтин маарифләндирилмәси саһәсиндә jени арашдырмаларын апарылаҹағына да үмид верир.
Диггәт: Хәбәрдән истифадә етдикдә мәнбәjә истинад лазымдыр
İslamazeri.az
