Имам Мәһәммәдбагир (ә)-ын виладәти мүбарәк

Имам Мәһәммәдбагир (ә)-ын виладәти мүбарәк
Ислам аләминин 12 улдузундан бири олан бешинҹи имамымыз Имам Багирин (ә) өз мүбарәк ады Мәһәммәд, мәшһур ләгәби исә Багирдир. Багир адыны имама (ә) пеjғәмбәримиз (с) вермишдир. Имам Багир(ә) атасы Имам Сәҹҹад вә бабасы Имам Һүсеjн (ә) кими 57 ил өмүр сүрмүшдүр. Белә ки, һиҹрәтин 57-ҹи илиндә дүнjаjа ҝөз ачмыш, һиҹрәтин 114-ҹү илиндә исә хәлифә һишам ибн Әбдүлмәмунун әмри илә зәһәрләниб шәһид олмушдур. Кәрбәла фаҹиәсиндә имам (ә) үч jашлы ушаг иди.
Имамлар арасында имам Багири (ә) фәргләндирән бир ҹәһәт варды: Имамын (ә) ата тәрәфдән бабасы Имам Һүсеjн (ә), ана тәрәфдән бабасы исә Имам Һәсәндир(ә). Белә ки, бу парлаг улдуз һәм ата, һәм дә ана тәрәфиндән бабалары имамлар иди. Имам Багир (ә) ота боjлу, гарабуғдаjы, ири ҹүссәли, енликүрәк, ҝирдәсифәт, гарасаггал, чатмагаш, ири ҝөзлү, назик бурунлу ҝөркәмли бир шәхс олмушдур.

Бәдән гурулушу вә хүсусиjjәтләри Пеjғәмбәрә (с) чох охшаjармыш. Бәлкә дә бунунла әлагәдар иди ки, Рәсули-Әкрәм (с) өз сәһабәләриндән олан Ҹабир ибн Әбдуллаһ Әнсариjә буjурур: "Еj Ҹабир, сән чох jашаjаҹагсан, имам Һүсеjн өвладларындан Мәһәммәд адлы бир нәфәрлә ҝөрүшәҹәксән. О шәхс Пеjғәмбәрин елмини ачан олаҹаг, ону ҝөрдүкдә мәним саламымы она чатдыр". Ҹабир имамла (ә) тәгрибән 50-55 ил пеjғәмбәрдән (с) сонра ҝөрүшүб саламы чатдырыр вә бир нечә ҝүндән сонра дүнjасыны дәjишир.
Имам Багирин (ә) дөврүндә Бәни Үмәjjә хәлифәлиjи сүгута уғрамаг үзрә иди. Халг хәлифә вә онун адамларына нифрәт едирди. Ислам өлкәләрини наразылыг бүрүмүшдү вә һәр jердә гиjам баш верир, хәлифәjә гаршы мүбаризә ҝедирди. Имам Багирин (ә) 19 ил имам олдуғу дөврдә беш хәлифә дәjишмишди. Бәни Үмәjjә дөвләтинин зүлмүнүн сона jетмәси үчүн jахшы бир шәраит jаранмышды ки, Имам Багир (ә) бу фүрсәтдән истифадә едиб елм саһәсиндә ингилаб jаратды. Зәманәнин бөjүк алимләри Имамын (ә) әтрафында ҹәм олурдулар. Ыслам һәгигәтләрини вә маарифини өjрәтмәк, дүнjаjа jаjнаг үчүн ҝөзәл имкан jаранмышды. "Лисанул әрәб" китабында jазылыр ки, мәһз елмин инҹәликләрини ачыб, исламы елмләрин үсул вә фүруларыны бәjан едиб, ону һәр тәрәфә jаjдығына ҝөрә һәзрәт Пеjғәмбәр (с) өнҹәдән имама (ә) Багир ады бермишдир ки, онун да мәнасы jаран, парчалаjан, ачан демәкдир.
Имам (ә) өзү һаггында демишдир: "Анд олсун Аллаһа, Аллаһ-Таала гиjамәт ҝүнүнә гәдәр кечмишдәки вә ҝәләҹәкдәки елмләри мәнә верибдир".
Имам Багирин (ә) елми гаршысында һәр кәс баш әjмишдир. Зәманәнин мәшһур әһли-сүннәт алимләри олан Тәбәри, Бәлазәри, Сәлами, Исфәһани, Бәсит, Хәтиб, Әбу-Давуд, Әснафи вә башгалары о һәзрәтин һүзуруна jетишиб онун елм дәрjасындан истифадә едибләр. Бәли имам Багир (ә) зәманәсинин ән биликли алими иди. Мәшһур алимләрдән олан һәкәм ибн Үjеjбә jазыр: "Аллаһа анд олсун, имам Мәһәммәд Багир (ә) һиҹр сурәсинин 75-ҹи аjәсиндә Аллаһын сөjләдиjи хүсуси инсанлардандыр". Башга бир әһли-сүннәт алими Әбдүллаһ ибн Әта jазыр: "Елә бир алим ҝөрмәдим ки, өзүнү Имам Багирин (ә) jанында кичик сандығы кими башга бир алимин jанында да кичик билсин".
Имам Багир (ә) буjурур:"Биз Аллаһын ән jахшы вә ән севимли бәндәләриjик, она ҝөрә дә бизә әһли-беjт Ҹәнбауллаһ деjилмишдир".
Бүтүн бунларла jанашы, Имам (ә) вахтынын чохуну Аллаһа ибадәтлә кечирәр, Аллаһын горхусундан ағлаjарды. Имам (ә) тәвазөкар иди. Ҝүндүзләр әкин саһәләринә ҝедиб орада чалышарды. Белә ки, онун чохлу мал-гарасы, торпаг саһәләри вә бағлары олмушдур. Имам (ә) газанҹынын чох һиссәсини Аллаһ jолунда хәрҹләjәрди. Одур ки, ән сәхавәтли имам кими танынмышдыр. Онун jанына елм адамлары илә jанашы еһтиjаҹ ичиндә jашаjан адамлар ҝәләрди вә һеч заман бош гаjытмаздылар.
Һәмд вә сәналар олсун әләмләрин Рәббинә ки, һидаjәт чырағы олан 14 парлаг улдузу бүтүн нөгсанлардан пак гәрар вермишдир. Вә Аллаһын саламы олсун бу парлаг улдузлара Пеjғәмбәрә (с) вә онун өвладларына.