Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Нахчыванын Сәдәрәк гәсәбәсиндә бир нечә мүәллими һәбс едибләр. Бу һагда Гаjнар.инфо-jа jерли мәнбәләр хәбәр вериб
Мәлумата ҝөрә Сәдәрәк гәсәбәсиндә мәктәбләрин биринә башга раjондан олан jени директор тәjин олунуб. Директору коллективә Мухтар Республиканын тәһсил назири тәгдим едиб. Амма бу заман бир ҝәнҹ мүәллим аjаға галхараг буна етираз едиб. Бу исә сөз давасына чеврилиб. Һадисәнин апрелин орталарында баш вердиjи билдирилир. Бундан сонра ҝәнҹ мүәллим сахланылыб вә барәсиндә 15 сутка азадлыгдан мәрһуметмә гәрары чыхарылыб.
Мәнбә билдирир ки, бир нечә ҝүн өнҹә буна етираз едән даһа 5 мүәллим сахланылыб. Онларын да һәр биринә 15 сутка һәбс ҹәзасы кәсилиб. Сәдәрәкдәки мәнбәләр геjд едирләр ки, бу мүәллимләрлә бағлы Нахчыван Тәһсил Назирлиjинин коллеҝиjасында мүзакирәләр апарылыр. Онларын ишдән азад едилдиjи һагда да иддиалар сәсләндирилир.
Етибарлы мәнбә билдирди ки, һадисә һәгигәтән дә 2 һәфтә әввәл Нахчыван Мухтар Республикасынын Сәдәрәк раjонунда олан бир мәктәбдә баш вериб. Тәһсил назири директору тәгдим едиб, лакин мүәллимләр етиразыны билдириб. Етираз етдикләринә ҝөрә 2 нәфәр мүәллим 15 сутка мүддәтиндә һәбс едилиб, 5 нәфәр исә ишдән узаглашдырылыб. Етираза сәбәб олан директор исә һәмин мәктәбдә фәалиjjәтини давам етдирир.
Диггәт: Хәбәрдән истифадә етдикдә мәнбәjә истинад лазымдыр
Axar.az
