Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливан Парламентинин Сәдри вә Шиәләрин “Әмәл” партијасынын Лидери Нәиһ Берри АБШ-а хәбәрдарлыг едәрәк, Ливанда кечириләҹәк президент сечкиләриндә дәхаләт етмәкдән чәкинмәкләрини тәләб едиб.
Өтән ҝүн Нәбиһ Берри илә ҝөрүш кечирдән сијаси шәхсләр Н. Берријә истинадла билдирибләр: “Америкалылара хәбәрдарлыг етмишәм ки, Ливанын Президент сечкиләриндә һеч бир дәхаләт етмәк һагглары јохдур.”
Ливан Парламентинин Сәдри даһа сонра вурғулајыб ки, нөвбәти президент сечкиси Ливан халгынын нүмајәндәләринин өһдәсинә бурахылмалыдыр.
Н. Берри һәмчинин билдириб ки, америкалылар она сечкиләрдә мүәјјән бир намизәдә дәстәк вермәјәҹәкләрини вәд верибләр.
Ливанда чап олунан әл-Нәһар газети дәрҹ етдији мәгаләсиндә билдириб: “АБШ-ын Бејрутдакы рәсми сәфири Девид Һил јахын ҝүнләрдә Нәбиһ Берри илә ҝөрүшүб данышыглар апараҹаг.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
