Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Назарбаjевдән шок: Бакы су алтында гала биләр
Москва Дөвләт Университетинин тәләбәләри гаршысында чыхыш едән Газахыстан президенти Нурсултан Назарбаjев реҝион дөвләтләринә, о ҹүмләдән Азәрбаjҹана ҹидди тәсир едә биләсәк лаjиһәләрдән данышыб.
Тәклифини нәглиjjат дәһлизләри илә бағлаjан газах лидер өнҹә Минск, Москва, Астана вә Алматы шәһәрләрини бирләшдирән сүрәт гатарындан данышыб. Даһа сонра о, Гара дәнизлә Хәзәри бирләшдирән "Аврасиjа" ҝәмичилик каналынын чәкилмәсинин ваҹиблиjини билдириб. "Јери ҝәлмишкән, Гара дәниз - Хәзәр каналынын лаjиһәси һәлә чарын вахтындан ишләниб, амма ҝерчәкләшдирилмәjиб", - деjә Назарбаjев вурғулаjыб.
Геjд едәк ки, һәлә Пjотрун заманларындан бу каналы чәкмәк барәдә лаjиһәләр дүшүнүлүр. Бу лаjиһәләрдә һәр ики дәнизи вахты илә бирләшдирилмиш Кума - Маныч чөкәклиjинин jенидән канал һалына салынмасы нәзәрдә тутулур. Узунлуғу 500 километрә чатан чөкәклик ән jүксәк нөгтәсиндә дәниз сәвиjjәсиндән 20 метр jүксәк олур. Јәни чох хырда бир һиссәдә 20 метрдән бир аз дәрин канал чәкмәклә Хәзәрлә Гара дәнизи jенидән бирләшдирмәк мүмкүндүр. Чөкәкликдә 170-ә jахын ҝөл вар ки, канал чәкилләрсә, бу ҝөлләр тәбии jола бирләшәҹәк.
Амма бу каналын ән мәнфи хүсусиjjәти ондадыр ки, о, Гара дәнизлә Хәзәр дәнизинин сәвиjjәсини бәрабәрләшдирә биләр. Бу, ҝерчәкләшдириләрсә, Хәзәр саһилиндә jерләшән бир чох шәһәрләр, мәсәлән Газахыстанын Актау, Түркмәнистанын Түркмәнбашы, Русиjанын Маһачгала кими ири шәһәрләри су алтында гала биләр. Сулар Бакынын мәркәзи тарихи һиссәсини дә ҝөтүрә биләр. О ҹүмләдән Јевлаха гәдәр Азәрбаjҹанын Мәркәзи Аран раjонлары су алтында гала биләр
Диггәт: Хәбәрдән истифадә етдикдә мәнбәjә истинад лазымдыр
Axar.az
