Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мисир һөкүмәти сәләфијөнлү Мүсәлман Гардашлары партијасына диван тутур. Белә ки, Мисирдә кечирилән мәһкәмә проссеси заманы һаким “Мүсәлман Гардашлары” партијасынын мәнәви рәһбәри Муһәммәд Бәди башда олмагла 683 сәләфијә едам һөкмү охујуб.
М. Бәди вә диҝәр 682 сәләфи Мисирин сабиг сәләфијөнлү президенти Муһәммәд Мурсинин гаты тәрәфдарларындан һесаб олунурлар. Онлар полис шөбәсинә силаһлы басгын етмәкдә иттаһм олунурлар.
әл-Мәнја әјаләтинин мәһкәмәси өтән ил март ајында Мүсәлман Гардашлары партијасынын 529 үзвүнү әл-Мәнја полис идарәсинә силаһлы басгын едәрәк, бир полис заитини гәтлә јетирмәкдә ҝүнаһкар биләр вә илкин гәрара әсасән мәһкәмә онлара өлүм һөкмү вериб.
Мәлумата ҝөрә, бу ҝүн кечирилән Мәһкәмә проссеси заманы Муһәммәд Бәди олмагла 37 нәфәрин едам һөкмү өз гүввәсиндә галыб. Галан 492 нәфәрин өлүм һөкмү исә азадлыгдан әбәди мәһрум едилмәклә әвәз едилиб.
Гејд едәк ки, мәһкәмә залында иштирак едән Инсан Һагглары тәшкилатынын нүмајәндәси билдириб ки, 683 нәфәрин мәһкәмә проссеси ҹәми бир нечә саат чәкиб. Һаким мүттәһимләрә вә онларын вәкилләринә иттиһамлар гаршысында өзләриндән мүдафиә етмәк үчүн вахт вермәјиб.
Мәһкәмә һәјәтиндә топлашан мүттәһимләрин аилә үзвләри вә јахынлары хәбәри ешитдикдә шока дүшмүш вә бир нечәсинин үрәји ҝедәрәк һушларын итирмишләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
