Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Москванын Украjнанын шәрг сәрһәдиндә jерләшән һәрби тәлимләрә башламасы Киjевин сәрт реаксиjасына сәбәб олуб.
Украjна президентинин мүавини сәрһәди кечән рус әсҝәрләринин вурулаҹағыны билдириб.
Рус гүввәләринин һәр һансы бир шәкилдә сәрһәди кечмәси дурумунда буну ишғал кими гиjмәтләндирәҹәкләрини деjән Украjна президенти Александр Турчиновун мүавини Серҝеj Пашински тәҹавүзкарлара гаршы мүбаризә апарылаҹағыны геjд едиб.
Өз халгына гаршы саваш апарылдығыны деjән Русиjа Хариҹи ишләр назири Серҝеj Лавров украjналы сәлаһиjjәтлиләринин бунун әвәзини өдәjәҹәjини билдириб.
Украjна Мүдафиә Назирлиjи Русиjа гүввәләринин сәрһәддә һәрби тәлимләр кечирдиjини, һәтта сәрһәддин 1 километрлиjинә гәдәр һәрби тәjjарәләр васитәсилә учуш һәjата кечирдиjини вурғулаjыб.
Мүдафиә назири Михаил Ковал Украjна Силаһлы Гүввәләринин һәр һансы бир һүҹуму дәф етмәк үчүн һазыр вәзиjjәтдә олдуғуну деjиб.
Диггәт: Хәбәрдән истифадә етдикдә мәнбәjә истинад лазымдыр
İslaminsesi.az
