Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Бәкташилик тәригәтинин рәһбәри Һаҹы Даһада Баба Ајдын Браһим Мөвәләл Мүттәгијан Әмирәл Мөминин Әли Ибн Әбу Талибин (әлејһимә сәлам) һәрәминә шәрәфјаб олараг һәрәмин мүдири Һөҹҹәтүл Ислам Зејнуддин ҹәнаблары илә ҝөрүш кечирдиб.
Имам Әлинин (әлејһи сәлам) һәрәминин мүдири ҝөрүш заманы һәрәмин ҝенишләндирилмәсинә даир лајиһә вә зәвварларын гаршыланмасы үчүн иҹра олунан мәдәни вә маариф ишләри һаггда Бәкташијә тәригәтинин рәһбәринә изаһат вериб.
Һаҹы Даһада Баба Ајдын Браһим даһа сонра Әмирәл Мөминин Әлинин (әлејһи сәлам) мәзарыны зијарәт едәрәк, һәрәмин гәдим тарихи гисмәтләри илә дә таныш олуб.
Бәкташијә тәригәтинин рәһбәри сонда һәрәмин мәсулларына өз дәрин миннәтдарлығыны билдирәрәк дејиб: “Уҹа Пәрвәрдиҝарымыздан һәр заман сизә јардымчы олмасыны диләјирәм. Аллаһ сизә бу пак мәкана вә бура ҝәлән зәвварлара хидмәт ҝөстәрмәкдә әта етдији тофигатынызы даһа да артыг етсин, сизә олан инајытини сизләрдән әксилтмәсин.”
Һаҹы Даһада Баба Ајдын Браһим билдириб: “Мән илк дәфәдир ки Ирага сәфәр едирәм, бу пак мәканы зијарәт едиб буранын хадимләри тәрәфиндән јүксәск сәвијјәдә гаршыланмағымыз бизим үчүн чох севиндириҹи һалдыр. Бизим ата бабаларымызын даим арзулары бу мүгәддәс мәкана ҝәлиб бураны зијарәт етмәк олуб. Бу ҝүн мән онларын тәрәфиндән бураны зијарәт етдим.”
Бәкташијјә тәригәтинин рәһбәри даһа сонра билдириб: “Имам Әли (әлјеһи сәлам) бир нур иди вә нур олараг галмагдадыр. Әли (әлејһи сәлам) бүтүн зәвварларына сачмагда олан бир нурдур. О, бүтүн дүнја Мүсәлманлары үчүн мөҹүзә нүмунәсидир, үмүдварам ки, онун бәрәкәти сајәсиндә бүтүн дүнјаны сүлһ вә әминаманлыг бүрүјәр.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
