Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Нурчулуғун Азәрбаjҹана сираjәт етмәси бу ҹамаатын сиjаси ҝүндәмимиздә һансы рола малик олдуғу суалыны актуаллашдырыр. Әсас хәбәрләр бу истигамәтдә иди ки, нурчулар мүәjjән дөвләт структурларына jол тапа билибләр. Бәс сиjаси партиjалара нурчулуг нә гәдәр тәсир едиб?
Публика.Аз бу мәсәлә илә бағлы арашдырма апарыб.
Јени Азәрбаjҹан Партиjасынын (ЈАП) иҹра катибинин мүавини Мүбариз Гурбанлы билдирир ки, һаким партиjа бу меjлләрдән узагдыр: “Үмумиjjәтлә, дүнjа өлкәләриндә диндән сиjаси мәгсәдләр үчүн истифадә ҹәһди jени деjил. Мүхтәлиф заманларда диндән сиjаси мәгсәдләр үчүн истифадә ҹәһдләри олуб. Јәни бүтүн дөврләрдә динләрдән истифадә едәрәк сиjаси просесә тәсир ҝөстәрмәк истәjән даирәләр олуб вә һазырда да вар. Демократик өлкәләрдә исә дин дөвләтдән аjрылараг дин-дөвләт мүнасибәтләри ганунла тәнзимләнир. Азәрбаjҹан да демократик дөвләтдир вә Конститусиjаjа әсасән дин дөвләтдән аjрыдыр. Конститусиjада дөвләтимизин әсаслары мүәjjәнләшдирилиб: Азәрбаjҹан демократик, һүгуги, дүнjәви вә унитар дөвләтдир. Бу принсипдән бири Азәрбаjҹанын дүнjәви олмасыны тәсбит едир. Дөвләтимизин дүнjәвилиjи ондан ибарәтдир ки, ганунла инсанларын дини азадлығы вә виҹдан азадлығы тәмин едилир. Инсанларын өз дини аjинләрини сәрбәст шәкилдә ифадә етмәләри үчүн һәр ҹүр шәраит jарадылыб. Мүстәгил дөвләтимизин гуруҹулуғунда динин ҹәмиjjәтдә jери вә ролу там шәкилдә констисион jолла тәминат алтына алыныб”. Онун сөзләринә ҝөрә, бәзи хариҹи вә дахили даирәләр дини амилдән истифадә едәрәк диҝәр өлкәләрдә олдуғу кими Азәрбаjҹанда да мүәjjән гаршыдурмалар jаратмаға ҹәһд едирләр: “Амма бу һеч бир нәтиҹә вермәjиб, верә дә билмәз. Чүнки дөвләтимиз ҝүҹлүдүр, ҹәмиjjәтимиз сағлам принсипләрә сөjкәнән ҹәмиjjәтдир, әһалимизин дүнjаҝөрүшү, интеллекти, мәдәниjjәти, менталы һәр һансы бир формада дини амилдән суи-истифадәjә шәраит үчүн зәмин jаратмыр”.
Мүсават партиjасынын иҹра апаратынын рәһбәри Ариф Һаҹылы деjир ки, Мүсаватда әсас идеолоҝиjа Рәсулзадә jолудур: “партиjанын нурчулугла һансыса әлагәләриндән данышмаг абсурддур”.
Бир мүддәт әввәл Иса Гәмбәрин адынын һалландығы мәктуба ҝәлинҹә А. Һаҹылы деjиб ки, бу барәдә данышмағын мәнасы jохдур: “Чүнки бу үмумиjjәтлә бу геjри-ҹидди мәсәләдир. О мәктубда һансыса әлагәләрдән сөһбәт ҝетмир. Садәҹә олараг, Бакыда олан бир нурчунун Азәрбаjҹандакы сиjаси вәзиjjәт һаггында дүшүнҹәләриндән сөһбәт ҝедир. Бурда Мүсаватын нәjәсә аjдынлыг ҝәтирәҹәjи бир шеj jохдур”.
“Ел” һәрәкатынын үзвү Елдәниз Гулиjев дә араларында нурчуларын олмадығыны деjир: “Мән билдиjим гәдәр “Ел”-дә нурчу олан шәхс jохдур”.
Е. Гулиjев һесаб едир ки, зиjанлы ҹәрәjанларын вә тәригәтләрин инкишафы jолверилмәздир: “Биз әнәнәви динимизә үстүнлүк вермәлиjик. Бу ишлә Дини Гурумларла Иш үзрә Дөвләт Комитәси мәшғул олмалы, Азәрбаjҹанын мәнәвиjjатына, әхлагына, руһуна зиjан ҝәтирмәjән дини етигадлара фәалиjjәт үчүн лисензиjа верилмәлидир. Амма о шеj ки, бизим адәт-әнәнәмизә, ментал шүурумуза зиддидир, ондан узаг олмалыjыг, о ҹүмләдән нурчулугдан. Нурчулуг бу ҝүн дәбдәдир. Амма сабаһ башга ҹәрәjан ортаjа чыхса мәлум олаҹаг ки, кифаjәт гәдәр тәрәфдары вар. Бунун гаршысы алынмалыдыр”.
“Шәрг-Гәрб” Арашдырмалар Мәркәзинин рәһбәри Әрәстун Оруҹлу һесаб едир ки, нучурлуғун шәбәкәләшмәси, jахуд дөвләт органларына сызмасы илә бағлы олан мәлуматлар шиширдилмиш мәлуматлардыр: “Мүхалифәт вә һакимиjjәтдә баш верәнләрдән мүәjjән гәдәр мәлуматымыз вар. Деjә биләрәм ки, деjилдиjи гәдәр бөjүк тәһлүкә jохдур. Бу даһа чох дахили сиjаси мүбаризәдән ирәли ҝәлир, амма нурчулуг ады алтында тәзаһүр едир”
Експерт геjд едиб ки, һазырда елә бир тәһлүкә ҝөрмүр. Онун фикринҹә, әҝәр нурчулуг, һәмчинин диҝәр дини ҹәрәjанлар шәбәкәләшмиш формада ортаjа чыхарса, о заман тәһлүкәдән данышмаг олар
Диггәт: Хәбәрдән истифадә етдикдә мәнбәjә истинад лазымдыр
Faktxeber.com
