Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријада террор актлары һәјата кечирдән вә груплашманын әсас үзвләрини Әрәб, Түрк, Азәрбајҹан, шимали Гафгаздан ҝәтиздирилмиш јараглылар тәшкил едән гондарма “Ираг вә Шам Ислам Дөвләти” (ИШИД) адлы террор груплашмасы өз гејриИслами вә гејриинсани рәфтарларына давам едир.
Суријанын мүхтәлиф бөлҝәләриндә ҹинајәтләр төрәдән азғын груплашма бу дәфә Риггә шәһәриндә вәтәндашларын башларыны кәсәрәк, кәсилмиш башлары шәһәрин хијабанларынын бириндәки електрик телләриндән асмышлар.
Јерли ресурсларын вердији мәлумата ҝөрә, вәһшиҹәсинә едам олунанларын тәкҹә ҝүнаһлары, азғын “ИШИД” үнсүрләринин вердикләри әмрләрә табе олмамалары олуб.
Едам олунанлар сырасында 7 јашлы оғлан ушағынын олдуғу да вурғуланыб.
Гејд едәк ки, Риггә шәһәри Суријада азғын “ИШИД” тәкфирчиләринин мәркәзләшдији шәһәрдир. “ИШИД” јараглылары Мүгәддәс Ислам Дининин адындан суистифадә едәрәк бу шәһәрдә сајсыз ҹинајәтләр төрәтмәкдә давам едирләр.
Риггә шәһәр сакинләринин әксәријјәти “ИШИД” тәкфирчиләринин горхусундан евләрини тәрк етдикләри үчүн шәһәр, азғын “Ираг вә Шам Ислам Дөвләти” адлы груплашманын һәрби мәркәзинә чеврилиб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
