Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија Федерасијасы чохсајлы нүвә башлығы дашыја билән RS-24 (Јарс) гитәләрарасы баллистик ракетини сынагдан кечириб.
Мәлумата ҝөрә, Русијанын ән Гәрб нөгтәсиндән атылан ракет ән Шәрг нөгтәсинә дүшүб.
Русија Мүдафиә Назирлији Стратежи Тәјинатлы Ракет Гүввәләри команданлығындан верилән ачыгламада бу ҝүн саат 09:40-да Финландија илә сәрһәддә јерләшән Арханҝелск бөлҝәсиндәки Плесетск космодромундан атылан ракетин Камчатка бөлҝәсиндә јерләшән Кура сынаг мејданчасындакы һәдәфи уғурла вурдуғу билдирилиб.
Сынагла бағлы ачыглама верән команданлығын нүмајәндәси, полковник Игор Јегоров билдириб ки, Воткинск ракет заводунда истеһсал едилән “Јарс” типли ракетин сынагдан кечирилмәси уғурлу шәкилдә ҝерчәкләшиб.
Гејд едәк ки, чохбашлыглы RS-24 ракетләринин һәрби гүввәләрин балансына дахил олмасы илә Русија, нүвә һүҹумундан мүдафиә системини өнәмли шәкилдә ҝүҹләндирмиш олуб.
АБНА- Хәбәр Аҝентлиј Хариҹи КИВ-ә истинадла
Диггәт: Хәбәрдән истифадә етдикдә мәнбәјә истинад лазымдыр
